Zëvendëskryeministri polak, Jarosław Kaczyński, akuzon qeverinë e re gjermane se dëshiron ta kthejë BE-në në “Rajhun e Katërt”. Kaczyński nuk është i pari nga radhët e Partisë Ligj dhe Drejtësi (PiS), që përdor këtë frazë për të përshkruar synimet e qeverisë së re të koalicionit të qendrës së majtë të Berlinit ndaj Evropës.
Marrëveshja e arritur nga tre partitë që formojnë koalicionin qeverisës gjerman parashikon se qëllimi i saj përfundimtar është një shtet federal evropian.
Ky aspekt i marrëveshjes u dënua nga qeveria polake e PiS, dhe Kaczynski madje pretendoi se një situatë e tillë do t’i hiqte Polonisë të drejtën për vetëvendosje.
Kryeministri polak, Mateusz Morawiecki, përdori vizitën e fundit të kancelarit gjerman Olaf Scholz në Varshavë për të kritikuar aspiratat e qeverisë së koalicionit për anëtarësim në BE, duke përdorur gjithashtu terma që i referohen Rajhut të Tretë. Qeveria polake është në konflikt me Komisionin Evropian për ristrukturimin e gjyqësorit të vendit, për të cilin BE ka thënë se po i politizon gjyqtarët.
Komisioni Evropian tashmë ka ngritur disa padi kundër Varshavës për reformën në drejtësi. Një padi e ngritur në Gjykatën Evropiane të Drejtësisë, ka shkaktuar një ndarje të thellë midis Varshavës dhe Brukselit.
