Gazeta e njohur New York Times ka njoftuar se do të ndalojë së publikuari karikatura (cartoon) politike pas një situate të krijuar me ironizimin e Donald Trump dhe kryeministrit izraelit Beniamin Netanyahu. Karikatura është konsideruar si anti-Semite dhe mesa duket kaq ka mjaftuar që gazeta që sillet si referencë për lirinë ta kompromentojë pozitën e vet duke ndalur çdo karikaturë politike.

Gazeta kërkoi falje për këtë veprim dhe e quajti madje publikimin e saj një gabim në gjykim. Sipas karikaturistit të gazetës, Patrick Chappatte vendimi lidhet drejtpërsëdrejti me karikaturën e Netanyahut. Ai e ka dënuar një akt të tillë duke vënë në dukje se është një moment shumë shqetësues.

Kam frikë se nuk është fjala vetëm për karikaturat, por për gazetarinë dhe opinionin në përgjithësi. Gjatë viteve të fundit, disa nga karikaturistët më të mirë kanë humbur vendet e punës, sepse botuesit e tyre kanë vlerësuar se puna e tyre ka qenë kritike me Trump.  Ndoshta duhet të fillojmë të shqetësohemi. Dhe të kundërshtojmë. Karikatura politike lindi me demokracinë. Dhe ato sfidohen kur liria sfidohet, shkruan ai në një opinion që e ilustron me këtë karikaturë: 

Situata ka edhe një tjetër dimension që lidhet njëfarësoj me të ashtuquajturat velra të qytetërimit perëndimor. Kemi parë në këto vite sesi opinion dhe mediat mbrojnë në përgjithësi veten kur është fjala për karikaturime të Islamit apo profetit Muhamed. Liria e fjalës të përplaset në fytyrë si kryeargument, ndërkohë që një karikaturë e një politikani si Netanyahu, i akuzuar ëpr gjithçka në vendin e vet konsiderohet antisemitizëm. Dikush mund të mendojë madje se edhe nëse bën një reportazh për psikiatrinë në Izrael mund të përfundojë i gjykuar për antisemitizëm dhe kur një gjë të tillë nuk e mbron dot as New York Times, atëherë situata është vërtet shqetësuese. Ose opinioni për këto media thjesht ka qenë i rremë dhe larg së vërtetës. /www.mekuliPress.com/  – Shpërndaje dhe Pëlqeje gazetën MekuliPress

*** VINI RE! Gazetaria jonë mbetet e pandikuar nga politikanët e nga milionerët e korruptuar. Askush nuk e kontrollon gazetën dhe kritikën tonë. Ndihmoje MekuliPress - Mbështete median e pavarur kombëtare.
Loading...
[wpedon id=16879]