Rreth dy vite më parë nga sot, isha duke kaluar një nga periudhat më të vështira të jetës sime. Po kaloja nëpër një divorc dhe një gjyq kujdestarie për fëmijën tim. Gjithçka ishte e re për mua. Nuk e kisha përjetuar kurrë diçka të tillë më parë. Isha me zemër të thyer, e turpëruar dhe duke u ndjerë si një dështake si nënë dhe si bashkëshorte. Humba edhe miqtë e mi, por mbi të gjitha, “humba kontaktet” me personin që isha dikur. Një natë, madje po shihja drejt tavanit të dhomës sime dhe po mendoja se sa poshtë kisha rënë. Nga ajo femër e suksesshme që isha dikur, tani isha duke fjetur në shtëpinë e prindërve për të kursyer.

Pavarësisht gjithë kësaj, unë kuptova se sërish ëndrrat e mia ishin brenda meje. Ato askush dhe asgjë nuk bëri që të shuheshin. Ato yje plastike që kisha ngjitur dikur në dhomën time të fëmijërisë u bënë shkak që unë të kujtoja se çfarë ëndërroja dikur dhe të kuptoja se ëndërroja po të njëjtën gjë edhe në momentet e mia të vështira. Në të gjithë jemi të ndryshëm dhe kemi ëndrrat tona. Të miat ishin të isha një fëmër e suksesshme, një nënë e mirë dhe një drejtuese e aftë.

Vështirësitë dhe periudhat e errëta në jetën time më bënë shumë më të fortë. Më bënë të mësoja më tepër për veten time, të pranoja ndryshimet tek vetja dhe të besoja përherë tek plani i Zotit. Unë e di se yjet nuk shndrisin në dritë. As ne nuk e bëjmë një gjë të tillë. Është errësira ajo që na rrit dhe na jep forcën për të vazhduar përpara.

Ju pëlqen!

Nëse sot je duke kaluar nëpër vështirësi, mos u shmang prej tyre. Përqafoji ato. Ne jemi në një mision të përjetshëm për të përmirësuar veten, për të qenë të suksesshëm, si dhe për të bërë mirë në këtë botë. Ndaj, rrethoje veten me njerëz që të mbështesin dhe që duan të të shohin në krye. Nëse prindërit e mi nuk do të më ndihmonin me vajzën time në mënyrë që unë të kisha kohë të studioja, atëherë unë nuk do të isha duke mbajtur një fjalim sot përpara jush.

Dua që ta kuptoni se kohërat e vështira nuk zgjasin përgjithmonë. Janë njerëzit e vështirë ata që zgjasin. Le të mos kemi frikë nga dështimet, pasi dështimet janë ndonjëherë fillesa e diçkaje akoma më të madhe. Ushqeni ëndrra të mëdha, dështoni rëndë, por asnjëherë mos hiqni dorë.

Mekuli Press është në prag të mbylljes. Kemi nevojë për mbështetjen tënde, i dashur lexues. Na ndihmo sot edhe me vetëm 1 Euro! - FOTO: No copyright infringement is intended.