Unikkatil ishte goxha aktiv këtë verë me një koncert të madh në Mitrovicë dhe performanca që pasuan për herë të parë në qytetet kryesore të Kosovës.

Megjithatë, mos u çuditni nëse ai rikthehet sërish me një koncert në Prishtinë brenda një periudhe të shkurtër kohore.

Këtë e ka lënë të kuptohet një postim i kompanisë ‘Powow Entertainment’ e cila e solli për herë të parë reperin në Kosovë në vitin 2012 në koncertin të cilit nuk po mund t’i afrohet asnjë tjetër nga masiviteti dhe madhështia e organizimit.

Faqja zyrtare e kompanisë e cila është joaktive për vite të tëra ka postuar një fotografi të reperit me Albin Gashin (drejtor i dikurshëm i Powow) i cili garon për deputet dhe kandidatin për Kryeministër, Albin Kurtin nga po e njejta listë.

Foto e vitit 2012, e papublikuar më herët është shoqëruar me një përshkrim ku thuhet: ‘Fotoja është bo pak para koncertit në Prishtinë në vitin 2012. Viktori i thojke Albinit: S’ka ma të fortë se na’.

Mes tjerash është lënë mundësia e riorganizimit të koncertit në stadium në rast të fitores së LVV.

‘Po i shtim dy Albinat të na binë Unikkatilin prapë n’stadium t’Prishtinës për festën e Vetëvendosjes mas 6 Tetorit’ – përfundon postimi në faqen zyrtare të kompanisë.

/MekuliPress/ Nëse e keni shijuar këtë artikull, ndajeni atë me familjen dhe miqtë tuaj! MekuliPress mbetet e pandikuar nga partitë politike.
Loading...
[wpedon id=16879]