Dy lokacione me vlerë të Organizatës Turistike të Ulqinit, panorama mbi gjirin e Valdanosit dhe palestra në natyrë në Pyllin e Pishave, janë devastuar plotësisht për më pak se tre vite prej kur janë ndërtuar dhe janë hapur solemnisht, shkruan  gazeta “Dan”, raporton Ul-Info.com.

Siç theksohet, ato momentalisht nuk i ngjajnë objekteve siç ishin kur u ndërtuan, sepse praktikisht është thyer ose shkatërruar çdo gjë përveç konstruksioneve të forta.

Shtohet se tani vandalët e panjohur në Panoramë kanë thyer gardhin prej xhami, panelin diellor, ndriçimin led, karikuesit për telefonë celular dhe koneksionin e internetit.

Ju pëlqen!

Lidhur me këtë reagoi drejtorii Organizatës Turistike të Ulqinit,  Fatmir Gjeka, i cili dënoi vandalizmin në Panoramën mbi Valdanos dhe të Palestrës në natyrë.

„Kjo që është bërë është e pakuptueshme për çdo njeri normal. Kush do që e ka bërë nuk e donë Ulqinin dhe nuk ia dëshiron të mirën këtij qyteti. Në pamje të parë dëmi është i madh, por me siguri do ta bëjmë analizën dhe do të kërkojmë nga kompetentët që të zbulojnë aktorët e këtij akti të tmerrshëm. Panorama ishte vend shumë i vizituar në të cilin kënaqeshin turistët dhe mysafirët. Nëse jemi krenuar me atë lokalitet tani si shoqëri duhet të turpërohemi“, deklaroi Gjeka për gazetën „Dan“.

Sipas fjalëve të tija, Organizata Turistike e Ulqinit do të ndërmarr masat e nevojshme që të sanohet gjendja momentale në të dy lokalitetet.

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot, të paktën edhe me 1 Euro!