Sot po thuhet se qeveria shqiptare qenka marrë vesh me qeverinë greke, që emigrantët të cilët presin në radhë prej 5 ditësh, të hyjnë në Greqi.

Pra, ja që paska qenë e mundur të bëhet diçka.

Por u desh reagimi i gjerë i qytetarëve, të majtë e të djathtë, nga gjithë Shqipëria, që të fillonin të lëviznin shushunjat e politikës.

Ju pëlqen!

Politikanët e vjetër nuk i bëri të veprojnë vuajtja e njerëzve nëpër makina, në zhegun e gushtit që plas dhe gurin. Madje as vdekja e një fëmije.

Pushtetarët mendojnë se pushtetin dhe paratë që marrin, nuk i marrin për t’i shërbyer atyre që vuajnë e hasin probleme, po se janë “të mençur e të merituar”.

Ndërsa njerëzit që vuanin në kufi nuk harruan t’i shajnë e t’i ironizojnë, si injorantë që fajin e kishin vetë, si njerëz që nuk e kuptojnë që “s’kemi ça i bëjmë grekut”.

Ja që paska qenë e mundur zgjidhja. Por u desh reagimi i shumicës që zakonisht hesht. Kur kjo shumicë reagon, Ramës i dridhen poturet, dhe gjithë ministrat që varen aty.

Kur kjo shumicë hesht, heshtjen ia interpretojnë si miratim, dhe vazhdojnë shullëhen në luks.

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot, të paktën edhe me 1 Euro!