Turqia është ofruar të bëjë rolin e ndërmjetëses në krizën e Bosnjës. Ministri i Mbrojtjes, Hulusi Akar, ka zhvilluar një vizitë në Sarajevë, ku u takua me liderin serb të Bosnjës, Milorad Dodik, presidencën boshnjake dhe zyrtarë të tjerë, sipas ministrisë së tij.

“Ne e shohim Bosnjën dhe Hercegovinën në tërësi. Ne kemi bërë gjithçka mundemi për unitetin dhe stabilitetin e tij dhe do të vazhdojmë ta bëjmë këtë”, tha Akar për transmetuesin CNN Turk pas bisedimeve të tij.

“Nëse pranohet, Turqia mund të punojë si ndërmjetëse në Bosnje dhe Hercegovinë,” citohet Akar nga Reuters.

Ju pëlqen!

Në një mocion të votuar në Parlament, deputetët serbë votuan për nisjen e tërheqjes së Republikës së tyre autonome Serbe nga forcat e armatosura, sistemi i taksave dhe gjyqësori i Bosnjës.

Bosnja është e ndarë në dy rajone autonome – Republika Serbe dhe Federata, e dominuar nga boshnjakët dhe kroatët – pas luftës së viteve 1992-1995. Të tre institucionet përfaqësojnë shtyllat kryesore të sigurisë së përbashkët, sundimit të ligjit dhe sistemit ekonomik.

Turqia e ka cilësuar të gabuar votimin e mocionit të serbëve, duke theksuar se mund të kërcënojë stabilitetin rajonal. Gjermania i ka bërë thirrje Bashkimit Evropian që të sanksionojë Dodik.

Si vend mysliman, Turqia myslimane ka lidhje të forta me Bosnjën. Presidenti Tajip Erdogan e ka lavdëruar shpesh liderin e kohës së luftës të Bosnjës, Alija Izetbegovic, ndërsa ka krijuar marrëdhënie miqësore me presidencën trepalëshe ndëretnike të Bosnjës.

Mekuli Press është në prag të mbylljes. Kemi nevojë për mbështetjen tënde, i dashur lexues. Na ndihmo sot edhe me vetëm 1 Euro! - FOTO: No copyright infringement is intended.