Një juri e New Yorkut ka zbuluar se Donald Trump ka sulmuar seksualisht E. Jean Carroll në dhomën e zhveshjes së një dyqani luksoz në pranverën e vitit 1996.

Një gjykatë federale në Manhattan e ka shpallur Donald Trumpin përgjegjës për shpifje, në një padi civile të ngritur nga shkrimtarja dhe gazetarja E. Jean Carroll, transmeton Telegrafi.

Trump duhet t’i paguajë asaj gati 3 milionë dollarë dëmshpërblim, sepse Carroll vërtetoi me sukses padinë e saj për shpifje.

Gjithashtu u përcaktua se ish-presidenti amerikan duhet t’i paguajë asaj rreth 2 milionë dollarë dëmshpërblim për padinë e saj civile, duke e çuar shumën totale të dëmit në 5 milionë dollarë, shkruan CNN.

Carroll e paditi Trumpin vitin e kaluar, pasi një ligj i ri në New York lejoi padi për krime të dyshuara seksuale edhe pas skadimit të statutit të kufizimeve.

Carroll pretendon se Trump e lidhi atë “për mur” në dhomën e zhveshjes, i hoqi me forcë rrobat dhe e sulmoi, përpara se ajo të ikte në Fifth Avenue dhe të telefononte një mik.

Ish-presidenti ka mohuar të ketë njohur Carroll-in dhe ka pretenduar vazhdimisht se akuzat nuk janë të besueshme, duke thënë se gazetarja “nuk është aspak tipi i tij”.

“Unë jam këtu sepse Donald Trump më përdhunoi, dhe kur shkrova për të, ai tha se nuk ndodhi. Ai gënjeu dhe më shkatërroi reputacionin, dhe jam këtu për të provuar të kthej jetën time,” dëshmoi Carroll në gjykatë.