Presidenti Ilir Meta duke lënë për pak çaste angazhimet politike, është ndalur tek takimi i sotëm i futbollit Shqipëri-Islandë, ku konfirmoi se do të jetë i pranishëm në “Elbasan Arena”.

Përmes një postimi në ‘Facebook’ Meta u ka dhënë mbështetje skuadrës së kombëtares por edhe tifozëve shqiptarë, ndërsa i nxit ata që të marrin shembull nga Kosova.

“Nuk kisha në plan të shkoja sot në “Elbasan Arena” për shkak të shumë detyrimeve të tjera, por besoj se të gjithë duhet të jemi më pranë se asnjëherë Kombëtares sonë që pas shkëlqimit të jashtëzakonshëm në Europianin e Francës është në tranzicion drejt rigjetjes së vetvetes. Shpesh tifozët kërkojnë vetëm fitore, por topi është i rrumbullakët. E di që shumë tifozë janë mërzitur nga humbja me Francën, kampionen e botës, por mos harroni si humbi Brazili me Gjermaninë 1-7. Le të mësojmë dhe nga tifozët e Kosovës, që pikërisht kur ekipi është në disavantazh, ndizen më shumë në përkrahjen e ekipit.
Sot në “Elbasan Arena” me Kuqezinjtë!🇦🇱👐”, shkruan Meta.

*** VINI RE! Gazetaria jonë mbetet e pandikuar nga politikanët e nga milionerët e korruptuar. Askush nuk e kontrollon gazetën dhe kritikën tonë. Ndihmoje MekuliPress - Mbështete median e pavarur kombëtare.
Loading...
[wpedon id=16879]