Të dashur gazetarë,
Të respektuar analistë,

Jemi në një gjendje të rëndë e të paqartë, por të sigurtë e me besim se edhe kjo e keqe kolektive për njerëzimin do kaloj.

Kam një lutje për mediat shqipe, vecanërisht për portalet shqipe:

Ndoshta ju pëlqen!
Loading...

Populli ka nevojë për ndihmën e juaj. Populli ka sytë e veshët tek ju. Andaj, ju lutem, të jeni sa më profesional e sa më të sinqertë me lexuesin/dëgjuesin/shikuesin. Mos provoni të fitoni nga reklamat në këtë zezditë! Mos se nuk është etike! Nuk është as njerëzore! Mosni bre, se nuk është as shqiptare!

– Informoni, e mos krijoni frikë!

– Sqaroni, e mos ngatërroni!

– Lehtësojeni dhimbjen e popullit, mos ja bëni më të vështirë e me të rëndë!

– Udhëzoni mire, qartë e konkretisht, mos i trulloni masat!

– Clirojeni nga ngarkesat e panevojshme psikologjike popullin!

– Verifiko burimin e lajmit, jo njëherë, por dy e tri herë!

– Fillo me lajmin nga kodi ynë kulturor e social!

– Lajmin ndaje nga komenti.

– Faktin mos e ngatërro me deklaratat politike!

Maska mbrojtëse, medikamente bazike e higjienë sanitare nuk ka tani për tani as në Norvegji. Dhe kjo kuptohet e dihet. Por nuk dihet e nuk kuptohet se si media shqipe, analistë, politikanë e portalet e coroditura akuzojnë rrejshëm e pa fakte Qeverinë se përse “Nuk ka maska higjenienike”.

Për 20 vjet e vodhën Kosovën. Për 20 vjet i dëbuan nga Kosova mjekë, profesor, mësues e bujq, e tani propagandojnë, shpifin dhe manipulojnë me fatkeqësin kolektive: Thonë, s’ka mjekë! Dhunojnë popullin me gënjeshtra!

Sot duhet ndihmuar e mbështetur Qeveria Kurti për punën që po e bënë, jo t’i futet shkopi qerres që po e shpëton këtë popull. Vonesa e kësaj qerre, që ju po e pengoni, i kushton jetëra familjes, njeriut e kombit.

Turp për ju, edhe me vdekjen bëni pazarë! Edhe në fatkeqësi me kalkulime!
#mekulipress

Ndoshta ju pëlqen!/MekuliPress/ Nëse keni shijuar këtë artikull, ndajeni atë me familjen dhe miqtë tuaj! MekuliPress mbetet e pandikuar nga partitë politike. Na ndihmoni!