Vendosja e taksës 100 për qind ka ndikuar që të rritet prodhimi vendor dhe në të njëjtën është shtuar numri i të punësuarve.

Kështu u tha në tryezën e diskutimit të organizuar nga Klubi i Prodhuesve të Kosovës, që kishte për qëllim diskutimin mbi efektet e tarifës doganore 100 për qind ndaj importeve nga Serbia dhe Bosnja e Hercegovina në ekonominë vendore.

Drejtori ekzekutiv i Klubit të Prodhuesve të Kosovës, Astrit Panxha tha se për herë të parë që nga paslufta kemi ulje të importeve dhe shtim të kreditimit.

Ndoshta ju pëlqen!
Loading...

“Të gjitha indikatorët që i kemi analizuar është se ka pasur ndikim pozitiv. Për herë të parë që nga paslufta kemi ulje të importeve. Gjithashtu është rritur kreditimi, veçanërisht në bujqësi. Kosova sot ka shkëmbim të mirë tregtar me vendet mike”, tha Panxha në hyrje të diskutimit.

Ai shtoi se një indikator tjetër i efektit pozitiv të tarifës është edhe rritja e numrit të të punësuarve në sektorin e prodhimit.

“Ka pasur një rritje të moderuar për produktet, sidomos në muajt e parë, ku ka ardhur nga spekulimet e tregtarëve”, shtoi ai.

Panxha po ashtu tha se për shkak të vendosjes së taksës, shteti serb ka vendosur masa bllokuese ndaj eksporteve të Kosovës.

Astrit Panxha, drejtor ekzekutiv i Klubit të Prodhuesve të Kosovës | Foto: Ridvan Slivova

“Kemi pasur një hakmarrje të Serbisë për produkteve kosovare”, tha Panxha.

Analisti i politikave, Besart Zhuja gjatë prezantimit të studimit të të gjeturave mbi efektet e taksës 100 për qind, tha se në muajt e parë pas vendosjes të kësaj mase kishte rritje të inflacionit, por sipas tij, kjo normë ishte ulur pasi që prodhuesit kishin zëvendësuar partnerët e tjerë tregtar.

“Importi ka një rënie e ndërsa eksporti ka një rritje. Ka një rënie të importeve prej 50 milionë ton e që ka krijuar një mundësi të mirë për prodhuesit. Ka një rritje të blerjes së makinerive prodhuese, e që janë 11 milionë euro më shumë se vitin paraprak. Vendosja e taksës ka rritur edhe numrit të punësimit. Krahasuar me tremujorin e tretë të vitit 2018 rritja e punësimit ishte 11.5 mijë punëtorë. Ka rritje të kreditimit, ku në vitin 2018 ishte 208 milionë euro, ndërsa në vitin 2019 kjo ishte 260 milionë euro. Inflacion në muajt e parë të vitit 2019 ishte 3.5 për qind, por kjo normë ka rënë pasi që tregtarët kanë gjetur partner të tjerë”, tha Zhuja.

Besart Zhuja, analisti i politikave | Foto: Ridvan Slivova

Ai tregoi se Turqia, Greqia dhe Maqedonia e Veriut ka përfituar më së shumti nga vendosja e taksës 100 për qind.

“Po ashtu, ka ndryshim të partnerëve tregtar, ku më së shumti nga vendosja e taksës 100 për qind ka përfituar Turqia, Greqia dhe Maqedonia e Veriut”, tregoi ai.

Ndërsa, sekretari i Klubit të Prodhuesve, Vllaznim Osmani, duke prezantuar anketën për konsumin e prodhimeve vendore, tha se dy e tretave të respondentëve janë shprehur të kënaqur me efektet e taksës 100 për qind.

“Shumica e respondentëve kanë thënë se vendosja e taksës ka qenë e dobishme. Në pyetjen se a ka pasur efekt pozitiv vendosja në zhvillimin ekonomik të Kosovës, dy e treta kanë thënë se ka pasur efekt. Zëvendësimi më i madh i mallrave ka qenë me produktet vendore. Ndërsa, 63.6 për qind thonë se ka pasur efekt vendosja e flamurëve”, tha Osmani.

Kujtojmë se më 6 nëntor të vitit 2018, Qeveria në largim e Kosovës vendosi taksën prej 10 për qind për prodhimet me origjinë nga Serbia dhe Bosnja e Hercegovina, kurse më 21 nëntor kjo taksë u ashpërsua më 100 për qind për të gjitha produktet dhe mallrat e importuara nga këto dy shtete.

Ndoshta ju pëlqen!/MekuliPress/ Nëse keni shijuar këtë artikull, ndajeni atë me familjen dhe miqtë tuaj! MekuliPress mbetet e pandikuar nga partitë politike. Na ndihmoni!
Loading...