Megjithëse ne martohemi “në të mirë dhe në të keq, në varfëri dhe në pasuri”, rezulton se zgjedhja e partnerit të duhur të jetës mund të ju ndihmojë të keni sukses. Barack Obama, për shembull, i atribuon suksesin e tij politik gruas së tij. Dhe shkenca më në fund ka sqaruar se këto nuk janë thjesht fjalë boshe. Ne jemi mirë të vetëdijshëm për frazën “prapa çdo burri të suksesshëm qëndron një grua, por ne ishim të lumtur që më në fund shohim kërkime shkencore që e mbështesin këtë.

E gjitha ka të bëjë me mbështetjen

Ndoshta diku thellë brenda vetes, secili prej nesh ka dyshuar se bashkëshorti ynë luan një rol të madh në formësimin e suksesit tonë. Dhe së fundi, një studim i botuar nga Universiteti Carnegie Mellon e ka sjellë këtë në një nivel shkencor.  Pretendon se burrat (dhe gratë) që kanë bashkëshortë mbështetës kanë një shans më të lartë për të pasur sukses në jetë.

Ju pëlqen!

163 çifte morën pjesë në një eksperiment, ku njerëzve u ofrohej një shans për të zgjidhur një enigmë të lehtë ose të sfidojnë veten e tyre dhe të përpiqen të fitojnë një çmim. Pas bërjes së ofertës, studiuesit vëzhguan dhe regjistruan mënyrën se si çiftet ndërvepruan me njëri-tjetrin para se të merrnin vendimin e tyre.Kishte pjesëmarrës, bashkëshortët e të cilëve i inkurajonin ato të zgjidhnin opsionin  për të garuar për një çmim, ndërsa ekzistonin gjithashtu edhe ata, bashkëshortët e të cilëve ishin jokonfidentë apo edhe dekurajues.

Për më tepër, studiuesit kontrolluan të njëjtat çifte 6 muaj më vonë dhe zbuluan se ata që pranuan sfidën për të garuar për një çmim, përjetuan më shumë rritje personale dhe pretenduan se kishin më shumë lumturi dhe mirëqenie sesa ata që refuzuan.

Të qenit pragmatik është gjithashtu e rëndësishme

Ky nuk është studimi i vetëm për këtë temë.  Studiuesit në Universitetin e Uashingtonit në St Louis gjithashtu kanë kryer hulumtime për të dëshmuar se suksesi i një personi nuk varet vetëm nga vetvetja – bashkëshorti i tyre luan një rol të madh gjithashtu.  Ata e quajnë “ndërgjegjshmëri partneri” dhe pragmatizmin si elementët kryesorë në suksesin e bashkëshortëve të dytë.

Të famshmit e dinë këtë më së miri!

Ka shumë shembuj në mesin e të famshëmve dhe udhëheqësve të mëdhenj, të cilët kanë rrëfyer publikisht se bashkëshortët e tyre kanë luajtur një rol të madh në suksesin e tyre. Në fjalën e tij të fillimit të Harvardit për vitin 2017, Mark Zuckerberg, për shembull, përmendi që gruaja e tij Priscilla e frymëzoi që kohën e lirë ai ta jepte për punët publike dhe shtoi se ajo ishte personi më i rëndësishëm në jetën e tij, kështu që ju mund të thoni se ishte gjëja më e rëndësishme që  ai ndërtoi në kohën e tij atje.

Sigurisht, nuk ka të bëjë vetëm me gratë mbështetëse. Beyoncé gjithashtu e quan burrin e saj “mbështetës në shumë nivele”, si dhe atë që “i jep asaj themelin e duhur”. Në një prej intervistave të saj, artistja fituese e Grammy tha që ajo nuk do të ishte gruaja që ajo është nëse “nuk do të shkonte në shtëpi me atë burrë”.

Sigurisht, jeta jonë është më shumë sesa të sfidojmë veten në enigma, por a mendoni ndonjëherë se bëhet shumë më e lehtë të sfidoni veten kur partneri juaj ju mbështet?/filozofia.al

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot, të paktën edhe me 1 Euro!