Gjithashtu edhe Twitter ka vendosur të fshehë disa nga postimet e Trump.

Snapchat nuk do të promovojë më llogarinë e presidentit Donald Trump.

Si rezultat, figura e presidentit nuk do të shfaqet më në seksionin Discover të aplikacionit. Kompania thotë se  “nuk do të promovojë zërat që nxisin dhunë dhe padrejtësi ndaj racave”.

Ju pëlqen!

Vendimi ndjek deklaratën e Trump që thotë se nëse protestuesit do të kishin shkelur kufirin e Shtëpisë së Bardhë do të ishin përdorur “qentë e egër” dhe “armë kërcënuese”.

Gjithashtu edhe Twitter ka vendosur të fshehë disa nga postimet e Trump.

Kjo lëvizje mund të shkaktojë tensione mes Shtëpisë së Bardhë dhe mediave sociale. Këto tensione janë përshkallëzuar kur Twitter shtoi etiketat e kontrollit në disa nga postimet e presidentit javën e kaluar.

Veprimi i Snapchat po shkakton tension edhe mbi Facebook. Por Zuckerberg është shprehur se principet e lirisë së fjalës nuk ja lejojnë aplikacionit të ndryshojnë postimet e presidentit Trump.

Trump ka mbi 1 milion ndjekës në Snapchat. Aplikacioni shihet si një pikë kyç në fushatën elektorale të Trump pasi i ofron atij mundësinë për të arritur votuesit që votojnë për herë të parë.

Llogaria e tij nuk do të fshihet ose pezullohet, por fakti që nuk do të shfaqet më në Discover do të thotë që postimet e tij do ti shfaqen vetëm personave që e kanë ndjekur ose e kërkojnë direkt llogarinë e tij.

Ndoshta ju pëlqen!/MekuliPress/ Nëse keni shijuar këtë artikull, ndajeni atë me familjen dhe miqtë tuaj! MekuliPress mbetet e pandikuar nga partitë politike!