Shoqata e Psikologëve të Kosovës i kërkon qeverisë që të forcojnë respektimin e masave, por jo të shpallet gjendja e jashtëzakonshme, transmeton Zeri.info
Kjo shoqatë përmes një njoftimi ka bërë të ditur se sistemi shëndetësor po përballet me kolaps dhe se shëndeti mendor i popullatës, sipas tyre do të jetë vështirë i riparueshëm.
“Ju mund edhe ti mbyllni të gjitha, ju mund ta bëni këtë, sepse jeni qeveri e jona. Edhe ne do e respektojmë këtë, sepse kështu respektojmë shtetin tonë. Por, a keni menduar se çka do ndodh më shëndetin mendor të popullatës? Nëse tani sistemi shëndetësor përballet më kolaps, atëherë a keni menduar së shëndeti mendor i popullatës do të jetë një sfidë afatgjate dhe vështirë e riparueshme”, thuhet në letrën e kësaj shoqate.
Psikologët theksojnë se ndërrimi i shpeshtë i masave, bllokimi dhe karantinimi ndikojnë në rritjen e stresit të popullatës.
“Ndërrimi i shpeshtë i masave, bllokimi, karantinimi, vendosja e gjendjes së jashtëzakonshme ndikon në mënyrë direkte në rritjen e stresit tek popullata dhe njëherit edhe rritjen e frikës se si do jetë e ardhmja e tyre”, thuhet më tej në njoftim.
Letra e plotë e Shoqatës së Psikologëve të Kosovës:
