Presidenti i shteteve të Bashkuara të Amerikës, Joe Biden ka prezantuar planin e tij buxhetor para Kongresit, ku ndër të tjera parashihet ndarja e 200 milionë dollarëve për Kosovën.

Në raportin e publikuar nga Korporata e Sfidave të Mijëvjeçarit (MCC) thuhet kërkesa është miratuar për ndarjen e mjeteve të cilat kryesisht janë të përqendruara në programe për energji.

“Gjatë dy viteve të kaluara, MCC ka punuar me Qeverinë dhe palët e tjera të interesit për të zhvilluar një program të përqendruar në sektorin e energjisë së Kosovës. MCC dhe Qeveria përfunduan studimet e parapara në vitin 2020 për të vlerësuar tre projekte të propozuara: zhvillimin e sektorit të gazit natyror të Kosovës, krijimin e rezervave të energjisë për balancimin e sistemit të energjisë dhe përmirësimin e shpërndarjes së energjisë elektrike. Pas rishikimit të rezultateve të studimeve, Qeveria kërkoi të shkojë përpara me zhvillimin e sektorit të gazit dhe krijimin e rezervave të energjisë me synimin për të lehtësuar integrimin e burimeve të rinovueshme, lehtësimin e varësisë së Kosovës nga qymyri dhe arritjen e qëllimeve të dekarbonizimit”, thuhet në raport.

Ju pëlqen!

Ndër të tjera thuhet se MCC ka angazhuar Shtëpinë e Bardhë përmes ekipit të NSC-së dhe do të vazhdojë të vlerësojë programin kompakt të Kosovës gjatë zhvillimit, për të identifikuar veprimet e duhura që agjencia mund t’i ndërmarrë për të mbështetur objektivat e politikës së karburanteve fosile të Administratës Biden në një periudhë të afërt.

“Pas zgjedhjeve parlamentare të Kosovës në shkurt 2021, MCC është duke u angazhuar me qeverinë e re për të konfirmuar angazhimin e vazhdueshëm të Kosovës për dy projektet e propozuara dhe progresin e mëtejshëm teknik në hartimin e programit për të mundësuar finalizimin kompakt në fund të vitit 2021”, thuhet ndër të tjera.

©MekuliPress/ Ndaje artikullin me familjen dhe miqtë tuaj. MekuliPress mbetet e pandikuar nga partitë politike. FOTO: No copyright infringement is intended.