Në fillim të marsit, një ekip udhëtoi për në Dubai dhe mbolli shalqi, kunguj të njomë dhe një lloj gruri në mes të shkretëtirës. Pesë muaj më vonë, rezultati ishte pikërisht shndërrimi i tokës së thatë në një zonjë të gjelbër të mbushur me rreshta të shumtë frutash dhe perimesh të rritura.

Ky fenomen i pamundur u bë i mundur nga Liquid Nanoclay– një risi e re e prodhuar nga start up-i Norvegjez Desert Control. E prodhuar me ujë dhe argjilë, Liquid Nanoclay është krijuar për tu spërkatur në rërë ose tokë ranore. Zhytet brenda dhe i bashkëngjitet grimcave të rërës, duke rritur mbajtjen e ujit dhe pasurimin e tokës me lëndë ushqyese thelbësore.

Sipas Desert Control, përzierja rrit pjellorinë e tokave me rërë të varfra me lëndë ushqyese dhe mund të zvogëlojë përdorimin e ujit për më shumë se gjysmën. Për më tepër, Liocid Nanoclay mund ta shndërrojë tokën e thatë në tokë të punueshme në vetëm shtatë orë, thotë kompania.

Gjelbërimi i shkretëtirës

E shpikur në mes të viteve 2000 nga shkencëtari norvegjez Kristian Olesen, teknologjia e Desert Control shndërron argjilën e trashë në një lëng “gati të hollë sa uji”, shpjegon CEO Ole Kristian Sivertsen. Kur spërkatet mbi rërë, kjo qëndrueshmëri e rreptë i lejon asaj të “kullojë dhe përhapet”, thotë ai.

Kompania ka zvogëluar madhësinë e grimcave të argjilës, në mënyrë të tillë që të jenë sa më të vogla që të jetë e mundur, thotë Sivertsen. “Ju mund të aplikoni (Liquid Nanoclay) duke përdorur çdo teknikë të njohur për ujitje,” thotë ai. “Ju madje mund të përdorni edhe një spërkatës.”

Rritja e të lashtave në shkretëtirë është një përparësi e lartë për Emiratet e Bashkuara Arabe, të cilat dëshirojnë të rrisin sigurinë ushqimore. Aktualisht, vendi importon rreth 90% të ushqimit të tij.

Në vitin 2018, Desert Control hyri në partneritet me Qendrën Ndërkombëtare të Dubai për Bujqësinë Biosaline (ICBA) për të filluar kryerjen e testeve laboratorike dhe fushore.

Laboratorët janë mbyllur për shkak të Covid-19, por provat në terren po shkojnë mirë, thotë Ismahane Elouafi, Drejtori i Përgjithshëm i ICBA. “Nëse rezultati që kemi parë vazhdon të jetë pozitiv dhe konfirmohet në perimet dhe grurin, mund të jetë një ndihmë e madhe për vendet me mjedise të shkreta”, thotë ajo.

Për të siguruar që ekosistemi të mos dëmtohet, Desert Control thotë se ishte e rëndësishme të krijohej partneritet me një palë të tretë, si ICBA, e cila ka përvojë në certifikimin e teknologjive bujqësore në këto lloj ambientesh.(CNN)