Rivaldo po vazhdon të ketë këshilla e kritika për Barcelonën.
Skuadra e Barcelonës po kalon në një prej krizave më të thella viteve të fundit, në kohën kur zgjedhjet në klub janë afër.
Dështimi në La Liga dhe Kupën e Mbretit nuk është pritur mirë nga tifozët, kurse forma aktuale rrezikon t’i eliminojë edhe nga Liga e Kampionëve.
Lidhur me situatën ka folur edhe Rivaldo, por ky i fundit bënë thirrje që të shikohet edhe nga e ardhmja.
Sipas ikonës braziliane, i cili dikur luante me fanellën e Barcelonës, skuadra duhet të shikojë përpara dhe të bëjë planet për periudhën post-Lionel Messi dhe Luis Suarez.
“Luis Suarez ësht tashmë 33 vjeç dhe kontrata aktuale i skadon sezonin tjetër. Ai ka akoma dy ose tri sezone për të luajtur në këto nivele”, ka thënë Rivaldo, transmeton lajmi.net.
“Por, është gjithmonë e shëndetshme për klubin që të mendojë se kush eventualisht mund ta zëvendësojë atë dhe të nënshkruajnë me lojtarë të rinj”, ka shtuar braziliani.
“E njëjta gjë duhet aplikuar për Messin”, ishin fjalët e Rivaldo.
Barcelona gjatë janarit ka nënshkruar me Francisco Trincao, por ky është emri i vetëm i shënjuar për të ardhmen.
