Real Madridi thuhet se është duke ndjekur Marcelo Brozovic, një mesfushor 27-vjeçar kroat që luan për klubin italian, Inter.

Los Blancos janë të interesuar të përforcojnë skuadrën e tyre në verë dhe njëri nga emrat e fundit të lidhur me një transferim është kroati Brozovic.

Sipas mediumit Mundo Deportivo, Zidane është shumë i interesuar për partnerin e Luka Modricit në kombëtaren kroate, me të cilën arriti deri në finale të Kupës së Botës.

Ndoshta ju pëlqen!
Loading...

Brozovic është pjesë kryesore në Interin e Antonio Contes dhe Zidane dëshiron ta vendosë atë pranë Casemiros ose të luajë me të në vend të brazilianit.

Ylli kroat arriti në Inter në vitit 2015 dhe ka një kontratë deri në qershor 2022.

Skuadra italiane dëshiron ta rinovojë atë, por në Itali thonë se shfaqja e Real Madridit po e ndërlikon rinovimin e kontratës së tij.

Brozovic po shkëlqen këtë sezon me Interin (Foto: Emilio Andreoli/Getty Images/Guliver)

Në këtë sezon, Brozo ka luajtur 28 ndeshje në të gjitha garat dhe ka shënuar tre gola dhe ka dhënë pesë asistime.

Sipas faqes së specializuar të transferimeve Transfermarkt, vlera e tij në tregu është 60 milionë euro.

Ndoshta ju pëlqen!/MekuliPress/ Nëse keni shijuar këtë artikull, ndajeni atë me familjen dhe miqtë tuaj! MekuliPress mbetet e pandikuar nga partitë politike. Na ndihmoni!