Nga Gëzim Mekuli

1878 – 2022

Gazetaria shqipe është me plot dezinforamata e me ngarkesa ideologjike. Media shqipe është e robnume. Gazetarët shqiptar, mentaliteti i tyre, të menduarit e tyre, bindja e tyre është e rrethuar nga zingjirët e të burgsurit prej skllavi. Këta nuk janë të lirë, nuk kanë guximin të vetëmendojnë e as të vetëgjykojnë; Për gazetarët shqiptarë mendon e gjykon “dikush tjetër”. Flet dikush tjetër e shkruan dikush tjetër për ta; Mu sikurse n’feudalizëm. Gazetarët shqiptar “duhet” të mendojnë e të shkruajnë ashtu, mu ashtu, siq u thotë feudali i tyre, shefi, padroni, ambasada e ideologjia e atyre.

Ju pëlqen!

Pse e them këtë e pse mendoj kështu, të nderuar lexues?

E them këtë fakt sepse këta po manipulojnë e po rrejnë edhe me ngjarjet historike. Ja si shkruajnë këta të shkretë për demonstratat e popullit shqiptar e për rezistencën aktive të studentëve shqiptar me rastin e 1 tetor 1997:

a.. “Protestat e 1 tetorit të vitit 1997 kanë luajtur rol të madh në atë se si sot është formuar shoqëria kosovare. Kanë kaluar 24-të vite qëkur studentët e Universitetit Paralel asokohe të Prishtinës protestuan për të drejtat e tyre, dhe për të drejtat e njeriut kosovar në Kosovën e atëhershme.”

b. “Protesta e kosovarëve”

c. “U organizuan kosovarët për protestë”, etj., etj.,

Pyetje për ju, të dashur lexues:
1. Protestat e rezistenca e shqiptarëve në ish Jugosllavi kundër okupimit serb na paska qenë luftë për të “formuar shoqërinë Kosovare” apo luftë për të mborjtur identitetin dhe lirinë e popullit shqiptar?

2. Protestat aktive të studentëve shqiptarë kundër dhunës dhe okupimit serb na qenkan organizuar “për të drejtat e njeriut kosovar” apo për të drejtat e njeriut, në radhë të parë, e gjithsesi, edhe të njeriut shqiptar. Apo jo?

3. Pak, shumë pak, e fare pak, përmendet nga këta gazetarucë Serbia si shkak e si arsye e daljes në protesta të studentëve shqiptarë? Zhgënjyese a? Kapituluese, apo jo?

Të nderuar lexues,
Populli shqiptar, tani sipas gazetarucëve tanë, po na zbërthehet në “njeri kosovar”!

Pse po e rehabilitojnë Serbinë para syve tanë ? Përse po i pengon medias shqipe aq shumë shprehja politike, “shqiptar”? Përse mundohen ta fshehin nga kujtesa kolektive faktin se ishte populli shqiptar ai që u shtyp nga Serbia e vitit 1887 -1999 dhe, është mu elementi e identiteti shqiptar që po sulmohet, torturohet e po ofendohet, edhe sot e edhe në këtë sekond, nga Serbia e vitit 2022.

Mediat, përpos informacionit dhe lajmeve, sot kan marrë edhe rolin e edukimit, kulturës e të arsimit.
Kush po e (ç)edukon e kush po e (keq)informon shqiptarin në hapësirat e ish-Jugosllavisë?

Kjo është pyetja që do përgjigje shkencore, të nderuar lexues.

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot të paktën edhe me 1 Euro!