Shtëpitë botuese ‘Pegi’ nga Shqipëria dhe ‘Dukagjini’ nga Kosova, janë fituese të garës për botimin e Abetares së përbashkët mbarëkombëtare.

Abetarja e përbashkët mbarëkombëtare tashmë është përzgjedhur. Ajo do të jetë në duart e nxënësve me 1 shtator 2022, me rastin e fillimit të vitit të ri shkollor.

Shtëpitë botuese që e fituan këtë garë janë ‘Pegi’ dhe ‘Dukagjini’.

Ju pëlqen!

Vendimi zyrtar do të bëhet publik ditëve në vazhdim. Megjithatë, siç ka kuptuar RTK, përzgjedhja u realizua më 31 maj. Sidoqoftë, nga ajo datë, ka nisur periudha prej 15 ditësh për ankesa, në rast se kanë shtëpitë e tjera botuese.

Abetarja e përbashkët Kosovë – Shqipëri është si rezultat i mbledhjes së dy qeverive, në nëntorin e vitit 2021.

Kjo Abetare do të jetë e dyta pas vitit 2012, kur ishte përzgjedhur abetarja e përbashkët Kosovë- Shqipëri.

Megjithatë, derisa në Kosovë përdorej një, në Shqipëri ishin lënë disa sosh si opsione duke bërë të mos ketë një abetare të njëjtë.

Mekuli Press është në prag të mbylljes. Kemi nevojë për mbështetjen tënde, i dashur lexues. Na ndihmo sot edhe me vetëm 1 Euro! - FOTO: No copyright infringement is intended.