Dhjetëra qytetarë në Tiranë kanë marshuar në bulevardin “Dëshmorët e Kombit” drejt sheshit “Nënë Tereza” pas lajmit që ka tronditur opinionin publik për përdhunimin e 15-vjeçares në Babrru.

Me pankarta në duar me mesazhet “më mirë nami sesa syri”, “si të ndalojmë përdhunimin: hapi nr 1- mos përdhuno”, “trupi nuk është objekt”, “s’ke faj ti jo, fajin e ka përdhunuesi” aktivistët i janë drejtuar Ministrisë së Arsimit, pas nisjes nga sheshi “Nënë Tereza” dhe kalimi nga sheshi “Skendërbe”.

Më pas ata janë zhvendosur përpara Ministrisë së Arsimit ku kanë thirrur në kor “Ministria e turpit”

“Për fëmijërinë e vjedhur”, “Mbroni vajzat, jo pedofilët’, “Pse nuk raportojmë”, “Marshoj për vajzën dhe mbesat e mia” janë disa nga pankartat që qytetarët mbajnë në duar.

Ju pëlqen!

Protestës i janë bashkuar ish-deputetja Grida Duma si dhe deputetja Rudina Hajdari, e cila ka treguar përmes një video live numrin e lartë të qytetarëve që i janë bashkuar këtij marshimi.

Ajo që bie në sy është fakti se një pjesë e madhe e protestuesve mbajnë maska dhe ruajnë distancë nga pjesa tjetër./abcnews.al

Ndoshta ju pëlqen!/MekuliPress/ Nëse keni shijuar këtë artikull, ndajeni atë me familjen dhe miqtë tuaj! MekuliPress mbetet e pandikuar nga partitë politike!