Palestina u ka kërkuar vendeve anëtarë të Organizatës së Bashkëpunimit Islamik që të ndërpresin marrëdhëniet diplomatike me Kosovën për shkak të vendosjes së ambasadës së Kosovës në Jerusalem.

Sipas raportimeve të Novosti, kërkesa u bë nga ministri i Punëve të Jashtme të Palestinës, Riyad al-Malki, në një letër dërguar Sekretarit të Përgjithshëm të Organizatës

Al-Maliki raportohet t’u ketë thënë atyre se Kosova ka shkelur ligjin dhe rezolutat ndërkombëtare me vendimin e saj, por gjithashtu po e sulmon hapur popullin palestinez dhe të drejtat e tij.

Ju pëlqen!

Nëse anëtarët e Organizatës do të pranonin kërkesën palestineze, Prishtina do të përballej me një humbje të madhe të mbështetjes, sepse pavarësia e Kosovës u njoh nga 30 nga 57 vendet në këtë organizatë.

Kosova ka vendosur marrëdhëniet diplomatike me Izraelit më 1 shkurt dhe vendosi ambasadën në Jerusalem. Organizata e dënoi atë më 3 Shkurt sepse, siç thuhet, kjo do të shkelte Rezolutën 478 të Këshillit të Sigurimit të KB.

Pos Kosovës, vetëm edhe Amerika dhe Guatemala kanë misionë diplomatike në Jerusalem. Republika Çeke gjithashtu u bashkua me treshen, e cila hapi një zyrë diplomatike në Jeruzalem në Mars, si një zyrë dege e ambasadës në Tel Aviv.

Vendimi për hapjen e ambasadës në Jerusalem u kundërshtua ashpër edhe nga Turqia dhe Bashkimi Evropian.

Ambasadori palestinez në Serbi Mohamed Nabhan kohët e fundit deklaroi se akti i hapjes së ambasadës së Kosovës në Jeruzalem është shkelje e parimeve të vendeve arabe dhe islamike, të cilat besojnë se Jeruzalemi është një qytet i okupuar, i cili konfirmohet nga rezolutat e shumta të KB, dhe se Rezoluta 478 ndalon shtetet të zhvendosin ose hapin ambasada në Jeruzalem, shkruan Novosti.

Ai deklaroi se Turqia gjithashtu kundërshton një veprim të tillë dhe pyeti: Sa ia vlen të merret njohja e një vendi dhe të humbet besimi i më shumë se gjashtëdhjetë?

“Të gjithë anëtarët që kanë një qëndrim të ngjashëm me Organizatën do të kenë një pamje negative të këtij akti. Kështu që, e gjithë bota do ta shikojë negativisht sepse kjo bie ndesh me ligjin ndërkombëtar dhe sigurisht nuk i jep Prishtinës një vizë tranziti në KB”, deklaroi Ambasadori Nabhan, duke i bërë thirrje Serbisë që të mos lëvizë ambasadën e saj nga Tel Aviv në Jeruzalem.

Nga Turqia në Katar

Midis anëtarëve të Organizatës së Bashkëpunimit Islamik që njohin Kosovën janë Turqia, Shqipëria, Emiratet e Bashkuara Arabe, Arabia Saudite, Kuvajti, Katari, Bahreini, Pakistani, Libia … Vende si Omani, Egjipti dhe Guinea-Bissau tashmë kanë ngrirë vendimet e tyre të njohjes, ndërsa Kosova nuk u njoh kurrë nga Palestina, Azerbajxhani, Indonezia, Irani, Algjeria, Tunizia, Kazakistani…

©MekuliPress/ Ndaje artikullin me familjen dhe miqtë tuaj. MekuliPress mbetet e pandikuar nga partitë politike. FOTO: No copyright infringement is intended.