Ballina Blog Faqe 3625

Me tipa si Edi Rama…

Kjo është një pjesë nga dëshmia e z. Denar Biba, zv.kryetar i KQZ-së në prokurori për hetimin e audiopërgjimit me gjyqtarin Ledi Bianku. Fragmenti është theksuar me të zeza në vendimin e Gjykatë çka ndoshta konfiron se pasazhi është më shumë së çështje kurioziteti: 

…Pas kësaj kaluam në tema të tjera, ndër to edhe se përse unë kisha pranuar të merrja detyrën e Kryetarit të KPP, kur në fakt dëshiroja Gjykatën Kushtetuese e në pamundësi Avokaturën e Shtetit. I sqarova se, me prorsi të Kryeministrit Rama, më thirri, z. Agaci dhe më propozoi kreun e KPP. Fillimisht nuk pranova. Pasi dola nga takimi me atë, fola me disa miq të mitë të cilëve ua respektoj dhe kërkoj këshillën. Njëri prej tyre ndër të tjera më tha se: “Me tipa si Edi Rama, ky tren vetëm njëherë të qëndron në stacion” dhe se “Ke bërë sakrifica, do ngelesh pa punë” duke përmendur faktin që isha dorëhequr nga detyra e Zv/Kryetarit të KQZ disa muaj më parë dhe kisha mbi 6 muaj pa punë. Si rrjedhim pranova, ndonëse nuk më pëlqente si punë. Pasi folëm edhe për pak,  u ndamë duke u përqafuar dhe me të fala për familjarët tanë./MekuliPress.com/

Ju pëlqen!

Apple do të përdor procesorët 5nm për iPhone-ët e 2020

Rreth një javë më parë, dëgjuam raporte se procesori A13 i destinuar për iPhone të këtij viti do të vazhdojë të prodhohet në të njëjtën madhësi 7 nanometërshe si A12. Digitimes sot vëren se për iPhone 2020, do të shohim përsëri një hap tjetër miniaturizimi.

Faqja thotë se TSMC pritet të sigurojë porositë e para 5 nanometër nga Apple vitin e ardhshëm.

Madhësia e fabrikimit nuk është e lidhur drejtpërdrejt me performancën, por boshllëqet më të vogla midis transistorëve në përgjithësi nënkuptojnë efikasitet më të mirë të energjisë dhe hapësirë për më shumë transistorë në të njëjtën sipërfaqe, gjë që rezulton në përfitime të performancës.

Apple bëri një marrëveshje të madhe gjatë vitit të kaluar në lidhje me A12, pasi kompania ishte e para për të transportuar procesorët 7nm.

Çipi A12X i iPad dhe A12 i iPhone e tejkalon konkurrencën në standardet e llogaritjes. iPhone-i i vitit të kaluar vazhdon të konkurroj me platformat moderne të Android, të paktën përsa i përket pikëve të krahasimit sintetik. 

Ju pëlqen!

Nga gripi sezonal, 9 të vdekur në Kosovë

Nga 1 tetori 2018 deri më sot, në Institutin Kombëtar të Shëndetësisë Publike (IKSHP) janë raportuar gjithsej 29.938 raste të dyshimta në grip (ILI), 4.719 raste ARI (Infeksion Respirator Akut) dhe 43 raste SARI (Infeksion i Rëndë Respirator Akut). Rastet raportohen nga të gjitha komunat e Kosovës.

IKSHP thotë se numër më i madh i rasteve raportohet nga komuna e Prishtinës, Prizrenit dhe Ferizajit por asnjëra akoma nuk e kalon pragun epidemik.

Gjatë javës së 7-të (11.02.2019-17.02.2019) janë raportuar 3.116 raste ILI, 285 raste ARI dhe 9 raste SARI.

“Gripi sezonal në vend ka aktivitet me intensitet të mesëm me tendencë rritje në javët në vijim. Trendi i rritjes është më i ulët se vitin e kaluar. Në laboratorin e Qendrës kombëtare të gripit-IKSHPK deri më 22 shkurt 2019 janë testuar gjithsej 632 mostra të dyshimta në Influencë dhe prej tyre 223 raste rezultojnë pozitive në Influencën tip A (pozitiviteti 32.3 %). Sipas subtipit 161 mostra Influencë A e pasubtipizuar dhe 62 mostra rezultojnë pozitive në sub-tipin AH1pdm09 që mbizotëron edhe në vendet e rajonit dhe të Evropës”, thotë IKSHP në njoftimin për media.

Ndërkaq, IKSHP bën me dije se nga Klinika Infektive dhe Klinika Emergjente në këtë sezon janë raportuar 4 raste të vdekjes me subtipin AH1pdm09 dhe 5 raste me influenca A.

Pacientët, thotë IKSHP, kanë pasur sëmundje kronike të sistemit kardiovaskular dhe respirator dhe nuk ka qenë të vaksinuar me vaksinën e gripit sezonal.

IKSHP jep disa rekomandime për Institucionet shëndetësore që duhet të ndërmerren në mënyrë strikte dhe të kontrollohet efekti i këtyre masave në mënyrë rigoroze.

Ngritja maksimale e nivelit të vigjilencës dhe gadishmërisë për veprim në situatën e krijuar 24 orë.

Kontrolli maksimal dhe inspektimet në të gjitha institucionet shëndetësore të vendit (Publike dhe Private),

Të gjitha rastet e dyshimta në grip të vazhdohet të evidentohen dhe raportohen nga të gjitha Institucionet Publike dhe Private Shëndetësore.

Në të gjitha institucionet shëndetësore të vendit (Publike dhe Private), të kenë të përgatitura dhoma të veçanta (posaçërisht në Klinikën Infektive të QKUK-së si dhe Institucionet tjera Spitalore të vendit).

Në të gjitha institucionet shëndetësore të vendit (Publike dhe Private), duhet që të shtohet kontrolli i brendshëm profesional në baza ditore duke implementuar rekomandimet e instancave të larta.

Të rritet në maksimum përkujdesja e stafit mjekësor dhe jo mjekësor ndaj higjienës personale dhe institucionale.

Të ndërpriten tërësisht vizitat e pa nevojshme si dhe prezenca e personave të pauniformuar në Institucionet Spitalore.

Të përdoren nga personeli shëndetësore masat mbrojtëse konform udhëzimeve.

Të vendosen materialet propagandistike dhe edukative për parandalimin e gripit në Institucionet Shëndetësore, shkollore apo entet publike ku tubohen qytetarët- nga përgjegjësit e tyre.

Qendrat Kryesore të Mjekësisë Familjare (përfshirë gjithë qendrat e mjekësisë familjare ne vartësi te saj), Spitalet Publike Rajonale dhe spitale e qyteteve, përfshirë edhe ambulancat dhe spitalet private do ti raportojnë informatat rreth rasteve të rënda klinike mbi baza ditore direkt (sipas udhëzimeve) dhe me mjetet më të shpejta të Institutet rajonale të Shëndetësisë Publike.

Institutet rajonale do ti përpunojnë të dhënat dhe varësisht nga ecuria epidemiologjike raportojnë menjëherë Institutin Kombëtar me mjetin më të shpejt të komunikimit dhe dorëzojnë raportet javore të kompletuara në Institutin Kombëtar.

Marrja e mostrave për konfirmim laboratorik do të bëhet vetëm te pacient me simptome klinike të bazuara në definim të rastit në Klinikën Infektive.

Personeli i Klinikës Infektive i dërgon mostrat për konfirmim laboratorik dhe raporton për të gjitha rastet e hospitalizuara duke plotësuar pyetësorin përkatës.

Akoma mund të vaksinohen grupet e riskut (punëtorët shëndetësorë dhe personat me sëmundje kronike).

Ministria e Shëndetësisë tashmë ka siguruar vaksinat e gripit që nga 1 tetori 2018 dhe janë distribuuar nga IKSHPK në çdo QKMF në Kosovë andaj qytetarët e moshuar dhe me sëmundje kronike rekomandohen akoma që të vaksinohen.

“Vaksinimi i gjertanishëm në Kosovë ka treguar një efikasitet dhe ulje të rasteve të hospitalizuara. Aktualisht situata epidemiologjike është nën kontroll sa i përket gripit sezonal, por me gjendjen aktuale klimatologjike që po mbretëron në Kosovë, ekziston mundësia e rritjes së rasteve”, thotë IKSHP në njoftimin për media.

Instituti Kombëtar i Shëndetësisë së Kosovës thotë të ketë rritur vigjilencën për t’u përballur me raste eventuale të gripit A H1N1 dhe është në gjendje gatishmërie të përcjellë situatën epidemiologjike dhe për çdo ndryshim të situatës do të informoheni me kohë.

Zyrtarët e IKSHP-së tërheqin vërejtjen se virusi A H1N1 bën pjesë në grupin e viruseve të gripit të zakonshëm.

Instituti ka dhënë rekomandime të duhura profesionale, që qytetarët të kenë kujdes dhe të mos dalin gjatë në ambiente të ftohta, të mos qëndrojnë në lokale të mbyllura me dendësi të madhe të njerëzve, dhe të përdorim sa më shumë lëngje të nxehta dhe vitamina.

Masat praktike në parandalimin e përhapjes së virusit të gripit sezonal.

Të evitohen sa është e mundur kontaktet e afërta me individë të sëmurë,

Personat e sëmurë të qëndrojnë në shtëpi në mënyrë që të parandalohet përhapja e sëmundjes

Të reduktohet numri i vizitave të familjarëve tek personat e hospitalizuar (SHSKUK, Spitalet rajonale)

Të evitohen vendet e mbyllura dhe mbingarkuara me njerëz

Ushqehuni shëndetshëm duke përdorë më shumë vitamina

Bëni aktivitet fizik dhe gjumë të mjaftueshëm.

Pastroni dhe dezinfektoni mjediset ku qëndroni

Mbuloni hundën dhe gojën me një shami kur të teshtini dhe kolliteni dhe hidheni më pas në vend të sigurt

Lani duart shpesh me ujë dhe sapun, ose përdorni solucione duarsh me alkool

Mos prekni sytë, hundën dhe gojën me duar të kontaminuar, pasi virusi përhapet në këtë mënyrë

Pastroni dhe dezinfektoni sipërfaqet dhe objektet që mund të jenë kontaminuar nga virusi

Konsultohuni me mjekun për mjekimin me barna kundër gripit, barnat merren vetëm me rekomandimin e mjekut;

Medikamentet kundër gripit nuk kanë efekt parandalues, mund të përdoren vetëm nëse jeni të sëmurë me grip dhe të rekomanduara nga mjeku;

Medikamente kundër gripit duhet të fillohen brenda 48 orëve të para të fillimit të sëmundjes për të pasur efektivitet të lartë;

Medikamente kundër gripit mund ta bëjnë sëmundjen më të butë si dhe të shkurtojnë kohën e sëmundjes. Ato mund të parandalojnë edhe komplikimet e rënda që mund të vijnë nga gripi.

Masat parandaluese për përhapjen e virusit të gripit

Mënyra më efikase për parandalimin e virusit të gripit sezonal është vaksinimi me vaksinën kundër gripit.

Vaksinimi mbron vetë personin dhe ndihmon në parandalimin e përhapjes së gripit.

Vaksinimi kundër gripit sezonal bëhet në muajt tetor–dhjetor por edhe gjatë tërë sezonit të dimrit.

Efekti i vaksinës fillon 1 deri 2 javë pas marrjes dhe mbrojtja vazhdon rreth një vit pas vaksinimit.

Instituti Kombëtar apelon te të gjithë qytetarët që të kenë kujdes ndaj gripit dhe të gjitha virozave të stinës.

Ju pëlqen!

Shqipëria turistike dhe magjia e fshatrave të jugut në një film

Shqipëria turistike me bukuritë natyrore të saj vjen në një film. Filmi do sjellë për publikun shqiptar pamje të mahnitshme të bregdetit të jugut si dhe atraksionet kryesore të cilat i ofrojnë vizitorëve pamje dhe ndërthurje të natyrës me vlerat dhe kulturën e vendit tonë.

Gjithashtu në pamjet e para të filmit janë dhe imazhe mjaft interesante të mikpritjes shqiptare si një ndër vlerat tona si dhe kulinaria e shumëllojshme që ne kemi.

Ministri i Turizmit dhe Mjedisit Blendi Klosi i cili ka shpërndarë dhe pamjet e para nga filmi shprehet se, “Shqipëria turistike, magjia e fshatrave të jugut dhe bregdetit shqiptar në 1 minutë. Për më shumë, në orën 18.00 sot, tek Kalaja e Tiranës, në një film dedikuar zonave turistike të jugut, ekspozitë e guidave turistike dhe skicave të realizuara nga studentët e fakultetit të Arkitekturës, panair suveniresh të ndryshme”.

Shqipëria tashmë është shndërruar në destinacion gjithëvjetor pasi ofron një sezon turistik të larmishëm ku përveç bregdetit turizmi dimëror po zhvillohet shumë nga turistët e aventurës të cilët eksplorojnë shtigje malore duke bërë hiking, shëtitje me biçikleta dhe ski./A.T.SH/MekuliPress.com/

Ju pëlqen!

Arrest shtëpiak për zyrtarin e gjykatës i dyshuar për marrje ryshfeti

Gjykata Themelore në Prishtinë, përkatësisht Departamenti për Krime të Rënda ka caktuar masën e arrestit shtëpiak, kundër të pandehurit B.Rr, për shkak të veprave penale, keqpërdorim i pozitës dhe marrje të ryshfetit.

“Gjykata ka marr aktvendim dhe të pandehurit B.Rr iu është caktuar masa e arrestit shtëpiak prej datës 21.02.2019 deri me datë 21.03.2019. Ekziston dyshimi i bazuar se i pandehuri B.Rr duke shfrytëzuar detyrën apo autoritetin zyrtar, në cilësinë e personit zyrtar pranë Gjykatës Themelore në Prishtinë, me qëllim të përfitimit pasuror për vete ka keqpërdorur detyrën e tij zyrtare duke i tejkaluar autorizimet e tij”, thuhet në njoftimin e Gjykatës Themelore.

Sipas Gjykatës ky caktim i masës së arrestit shtëpiak është i arsyeshëm , për zhvillimin e procedurës penale.

Ju pëlqen!

Majlinda Kelmendi e artë në Gjermani

Krenaria e Kosovës ka arritur të fitojë vendin e parë në Grand Slamin e mbajtur në Dyseldorf të Gjermanisë, në kategorinë deri në 52 kilogramë.

Ajo e nisi për mrekulli këtë turne, duke triumfuar me IPPON qysh në ndeshjen e parë, kundër gjermanes Venera Thum.

Luftën e radhës Majlinda e zhvilloi me xhudisten nga Brazili, Eleudis Valentim, të cilën gjithashtu e mposhti me IPPON, për të prekur çerekfinalen.

Goca nga Peja, arriti që në çerekfinale të shënoj një fitore të madhe kundër jug-koreanes Bokyeong Jeong, për të kaluar në gjysmëfinale, ku do të përballej me italianen Odette Giuffrida, të cilën e mposhti me anë të IPPON.

Në luftën finale, përball kosovares u gjend xhudistja nga Mongolia, Sosorbaram Lkhagvasuren. Edhe këtë ndeshje Majlinda arriti që ta kalojë me sukses, duke siguruar kështu medaljen e artë, dhe duke ngritur përsëri lart flamurin e Kosovës.

Sigurisht se përveç Majlindës, merita të mëdha për këtë sukses i shkojnë edhe trajnerit Driton Kuka.

Ju pëlqen!

Probleme me pagjumësinë? Ja bimët që mund t’iu ndihmojnë

Nuk janë të pakët ata që vuajnë nga pagjumësia dhe nuk ndihen aspak mirë për këtë fakt. Pagjumësia vjen si pasojë e shumë e shkaqeve të ndryshme të jetës sonë. E kemi një zgjidhje per personat që nuk i preferojnë edhe aq shumë ilaçet e gjumit.

Po flasim për barna natyralë.

PINI ÇAJ KAMOMILI

Për vite, kamomili është konsideruar gjerësisht si një qetësues dhe induktues i gjumit. Kamomili ka vetitë më të mira të cilat ndihmojnë për të fjetur më mirë gjatë natës.

– Përzieni 2 deri 3 lugë çaji kamomil të thatë në një gotë me ujë të nxehtë. E lini të qëndrojë për 3 deri në 5 minuta. Kullojeni dhe shtoni 1 lugë çaji mjaltë. Ju gjithashtu mund të shtoni pak pluhur kanelle. Pijeni këtë çaj, ndërsa është ende i ngrohtë 1 orë para se të shkoni në shtrat. Bëjeni këtë çdo darkë.

MELISA – BAR BLETE

Melisa (MELISA OFFICINALIS) e ka marrë emrin nga fjala greke melisohorto – bimë blete (bar blete), pasi bletët shkojnë shpesh në lulet e saj për të mbledhur nektarin. Ajo është përdorur që në Mesjetë për të reduktuar stresin e ankthin dhe për të ndihmuar gjumin.

Në një studim të bërë me disa vullnetarë të shëndetshëm që morën ekstrakt melise (600 mg), u vu re që ata ishin më të qetë dhe vigjilentë se ata që merrnin placebo. Në përgjithësi, melisa është bimë e sigurt, por disa studime kanë treguar se nëse merr më shumë se ç’duhet, mund të ndjehesh edhe më shumë në ankth.

Kështu, pra, ndiqni udhëzimet dhe filloni me dozat më të vogla. Melisa shitet si çaj, kapsulë dhe ekstrakt. Shpesh kombinohet me bimë qetësuese si humulusi, kamomili dhe valeriana.

VALERIANA, MË E MIRA

Disa suplemente bimore reduktojnë stresin pa ju sjellë gjumë (si L-Theanine), ndërsa të tjera, janë sedative. Valeriana (valeriana officinalis) i përket grupit të dytë sepse ka përbërës sedativë. Në fakt, qeveria gjermane e ka aprovuar si trajtim për problemet e gjumit. V aleriana ka një aromë të keqe, prandaj shumica e njerëzve e përdorin si kapsulë ose ekstrakt dhe jo në formë çaji. Nëse doni ta provoni, merreni në darkë, jo para se të shkoni në punë!

Valeriana përmban përbërës që mund të nxisin gjumin dhe të ulin ankthin. Këtu përfshihet: acidi valerenic acidi isovaleric dhe një varietet antioksidantësh. Valeriana ka marrë vlerësim për bashkëveprimin me acidin gamma – aminobutyric (GABA), një kimikat që ndihmon në rregullimin e impulseve nervore të trurit tuaj dhe të sistemit nervor.

Ju pëlqen!

BE-ja ndan 32 milionë euro për energjetikën në Ballkanin Perëndimor

Efikasiteti energjetik dhe lufta kundër ndryshimit të klimës, janë dy objektivat e paketës së re të buxhetit të BE-së prej 32 milionë eurosh për Ballkanin Perëndimor, njoftoi Komisioneri i Zgjerimit të BE-së, Johannes Hahn, gjatë takimit ministror për energjinë mes gjashtë shteteve të  Ballkanit, që po zhvillohet në Podgoricë.

Ky financim u shtohet 50 milionëve euro të tjera të akorduara më parë nga BE-ja për të forcuar politikat energjetike të rajonit.

”Paratë janë të destinuara për tranzicion e gjelbër, në mënyrë që rajoni të renditet sa më shpejt që të jetë e mundur me standardet mjedisore të BE-së dhe Marrëveshjes së Parisit”, shpjegoi Hahn.

“Ballkani Perëndimor është një potencial i madh i energjisë që llogaritet në 2,5 miliardë euro në vit”, theksoi komisioneri, duke inkurajuar ministrat e gjashtë vendeve që të kapërcejnë ”pengesat politike dhe çështjet dypalëshe”.

Ju pëlqen!

Hazard, Morata, Pulisic, Higuain… pasojat e dënimit të rëndë të FIFA-s për Chelsea

FIFA ka gjetur shkelje në transferimet e Chelsea për lojtarët nën moshën 18 vjeçare, duke dënuar skuadrën nga Premierliga me ndalimin e transferimit të lojtarëve për dy afatet e ardhshme.

Chelsea ka bërë të ditur se do ta apelojë këtë dënim të padrejtë sipas tyre, por derisa ai mbetet në fuqi, skuadra e Roman Abramovich nuk do të ketë drejt transferimi të lojtarëve deri në verën e vitit 2020.

Por cilat mund të jenë pasojat e Chelsea në rinovimet e kontratave, largimet, huazimet dhe blerjet e lojtarëve?

Rinovimet

Cesar Azpilicueta është me një këmbë drejt largimit nga Chelsea, së bashku me Gary Cahill. Këtij të fundit, kontrata me ‘Blutë’ i skadon në qershor të këtij viti. Të dy këta, me dënimin aktual nga FIFA, mund të zgjasin qëndrimin edhe për një sezon.

Largimet

Eden Hazard është emri më i lakuar për t’u larguar nga Chelsea, me lojtarin që kërkohet nga Real Madrid.

Reprezentuesi belg, i duhet të vendos nëse do të qëndrojë të ndihmojë Chelseas pas dënimit të FIFA-s, apo të ndjekë ëndrrën e tij për t’u transferuar te Real Madrid.

Kujtojmë se në të kaluarën në situatë të njëjtë është gjendur Antonio Grizemann, por ai refuzoi Barcelonën dhe vendosi te qëndronte te Atletico Madrid.

Huazimet

Aventura e Gonzalo Higuain te Chelsea mund të zgjasë vetëm gjashtë muaj, me dënimin e FIFA-s. Lojtari mund të detyrohet të rikthehet te Juventus, në pamundësi për të kompletuar transferimin në ‘Stamford Bridge’.

Rasti Alvaro Morata, është i ndryshëm.  Spanjolli është i huazuar te Atletico Madrid, dhe me situatën e re mund të rikthehet te Chelsea.

Lojtarët që mund të rikthehen te Chelsea janë edhe Kurt Zouma, Michy Batshuayi, Timou Bakayoko dhe Christian Pulisic. Ky i fundit është blerë nga Chelsea në afatin kalimtar të dimrit, dhe është huazuar te Borussia Dortmund deri në fund të sezonit.

Ju pëlqen!

Libri më i shitur në Gjermani për vitin 2016: “Lufta ime”, Adolf Hitler

Pas vetëvrasjes së Adolf Hitler-it, të drejtat për botimin e autobiografisë së tij të famshme “Lufta ime” (Mein Kampf) i’u transferuan shtetit të Bavarisë, e cila refuzoi që ndonjëherë ta publikojë këtë libër kontravers në Gjermani.

Megjithatë, ligji gjerman për të drejtat e autorit thotë se teksti mund të botohet 70 vjet pas vdekjes së autorit, që i bie se çdo kush mund ta botojë këtë libër nga viti 2016 e këtej.

Pas disa polemikave, Instituti i Historisë Bashkëkohore në Gjermani, në janarin e vitit 2016, ka lëshuar për ribotim këtë manifest anti-semit, kopjet dy vëllimëshe të të cilit ishin shitur të gjitha brenda disa orëve, në faqen e amazon për Gjermani.

Instituti i Historisë Bashkëkohore në Gjermani ka bërë të ditur se që nga ribotimi i parë në janar, 2016, janë shitur gjithsej 85.000 kopje të këtij libri, duke e bërë librin më të shitur në Gjermani për vitin 2016. Seria e 6të e ribotimit të këtij libri, pritet të arrijë nëpër librari në fund të këtij muaji.

Duke i’u përgjigjur reagimeve të shumta të cilat shprehnin shqetësimin se po bëhet përhapja institucionale e propagandës naziste, Andreas Wirsching, drejtor i Institutit Bashkëkohorë të Historisë është shprehur për The Guardia se është pikërisht e kundërta.

Debati rreth pikëpamjeve të Hitlerit për botën dhe qasja e tij ndaj propagandës, na ka ofruar një mundësi që ti shikojmë shkaqet dhe pasojat e një ideologjia totalitare, në një kohë kur pikëpamjet politike autoritative dhe sloganet djathtiste janë duke fituar terren, ka thënë Wirsching./MekuliPress.com/

Ju pëlqen!

Lajmet e fundit