Ballina Blog Faqe 3623

Shfaqen imazhet e telefonit të palosshëm Huawei, në prag të lansimit

Imazhet e zbuluara të materialeve promovuese për ngjarjen e ardhshme të kompanisë “Connecting the Future” në MWC 2019, tani na kanë dhënë vështrimin e parë në dizajnin e pajisjes së palosshme të firmës kineze.

Imazhet gjithashtu nxjerrin emrin e telefonit: Huawei Mate X.

Përmbledhja e dy telefonëve të palosshëm në imazhin e dërguar në media disa ditë më parë, formon qartë një X, një referencë delikate ndaj emrit të telefonit.

Përpjekja e parë e Huawei për një pajisje të palosshme duket të ndryshojë nga Samsung.

Ndërsa nuk është krejtësisht e qartë, imazhet sugjerojnë se ndryshe nga Samsung, të cilët zgjedhin të përfshijnë dy ekranet e ndara në produktin e tyre – një ekran më i madh, i palosshëm në brendësi, i çiftuar me një të vogël në pjesën e jashtme – Huawei Mate X do të ketë vetëm një ekran.

Një linjë promovuese gjithashtu tregon se telefoni do të mbështesë rrjetin 5G në lansim, me Huawei që lavdërohet se do të jetë ‘telefoni më i shpejtë i palosshëm në botë 5G’.

Imazhet nuk zbulojnë shumë më tepër rreth telefonit, por nuk do të duhet të presim shumë kohë që kompania të flasë zyrtarisht për këtë, me vetëm dy ditë para lansimit të 24 shkurtit. 

Ju pëlqen!

Dua Lipa rrëfen për The Sun: Serbët na dëbuan nga Kosova

Tabloidi i famshëm britanik “The Sun”, i ka kushtuar një hapësirë të madhe fitueses së sivjetme të çmimeve Grammy dhe Brit Awards, këngëtares nga Kosova Dua Lipa.

Ky tabloid shkruan se familja Lipa është dashur ta braktisë Kosovën në vitin 1992 për shkak të presionit dhe terrorit që kishte nga pushteti serb atje.

Gjyshi i Duas, Seit Lipa, ishte drejtor i muzeut historik në Prishtinë gjatë periudhës mes viteve 1990-95. Dhe pikërisht atij i ishte kërkuar që të përmirësoj disa libra historikë dhe të fabrikojë fakte historike, çka ai kishte refuzuar, për çka më pas ishte shënjestër e regjimit serb. “Ishte periudhë e tmerrshme për të gjithë. Janë mbyllur të gjitha shkollat dhe mediat.

Secili akademik ka qenë shënjestër. Njerëzit zhdukeshin brenda natës. Familja Lipa ishte në rrezik shkaku i kësaj, prandaj janë detyruar të ikin”, ka rrëfyer kompozitori dhe miku i familjar, Florent Boshnjaku, përcjell Klan Kosova.

Vetë Dua ka deklaruar se familja dhe populli i saj janë dëbuar me dhunë nga Kosova nga regjimi serb. “Serbët na kanë dëbuar nga Kosova. Kemi qenë viktima të terrorit të tmerrshëm”, kishte deklaruar këngëtarja shqiptare.

Dua ka lindur në Londër në vitin 1995.

Dua ka ndjekur shkollën teatrale të Silvia Jong, para se me familje në vitin 2006, të kthehej në Prishtinë, ku babai i saj kishte fituar një vend pune. Në Prishtinë, Dua ka shkuar në shkolla private dhe është rritur duke dëgjuar muzikën e babait të saj, i cili dikur ishte pjesëtarë i grupit “Oda”.

“Tani jam krenare me emrin tim, por kur kam qenë më e re, e tëra që dëshiroja, ishte të quhesha Hana, Sara, Ella… Çfarëdo emri, vetëm të ishte normal. Sepse emrin Dua është dashur ta sqaroj vazhdimisht se çfarë nënkupton, që njerëzve t’u tregoja se isha nga Kosova”, ka rrëfyer Dua.

Si 14-vjeçare kishte filluar që në kanalin Youtube të publikojë këngët e përpunuara të këngëtareve të saj të preferuar, si Pink dhe Nelly Furtado.

Në të njëjtën kohë ka filluar të punoj si modele për një katalog ‘on-line’, por edhe si hostes në restorantin meksikan ‘La Bodega Negra’ në Soho, dhe në klubin e natës “Mayfer”.

Familja e Duas ishte kthyer në Londër në vitin 2012 dhe ajo së bashku me familjen, ishin vendosur në Londrën Perëndimore, ku ka jetuar deri në mars të vitit të kaluar. Në vitin 2015, producentët kishin dëgjuar përpunimin e saj të këngës “Cocoa Butter Kisses” të reverit Chensey dhe i kishin ofruar të nënshkruaj kontratë me shtëpinë diskografike “Warner Music”.

Dy vite më vonë, është paraqitur albumi i saj i parë “Dua Lipa”, ku gjendeshin shumë hite, mes tyre edhe “Be The One” dhe “New Rules”. Qysh në atë kohë ishte bërë e qartë se bota kishte fituar një yll të ri të muzikës, e cila vetëm në vitin 2017, kishte fituar mbi 2 milionë euro, ndërsa nga viti e kaluar e këndej, vazhdon t’i rendis çmimet më të rëndësishme muzikore.

Ju pëlqen!

Roma nuk heqë dorë nga Belotti, italiani shihet si zëvendësues i Dzekos

Andrea Belotti duket se po kalon muajt e tij të fundit si futbollist i Torinos.

Sulmuesi italian nuk e ka këtë edicion shkëlqimin e vitit të kaluar dhe kjo ka zbehur edhe çmimin që Torino po kërkon për të.

Torino vitin e kaluar kërkonte 100 milionë euro për ta lënë të lirë kapitenin e saj.

Por Belotti këtë vit nuk ka shënuar më shumë se nëntë gola dhe kjo ka bërë që çmimi i tij të bie në 50 milionë euro.

Është skuadra nga kryeqyteti italian, Roma që ka shprehur interesim për ta transferuar Belottin në Olimpico.

Roma u interesua për transferimin e italianit edhe vitin e kaluar por në fund nuk u arrit marrëveshja mes klubeve.

Corriere Dello Sport tani ka shkruar se Giallorosët janë gati të ofrojnë 45 milionë euro para kesh si dhe Diego Perottin në këmbim të Belottit.

Tani topi kalon tek Torino nëse do të pranojnë këtë ofertë apo jo, pasi dëshira e lojtarit është ta vesh fanellën e Romës.

25-vjeçari Belotti ka një kontratë aktuale me Torinon deri më 30 qershor të vitit 2021. 

Ju pëlqen!

Përfitimet shëndetësore të specit të kuq djegës: Plot me vitamina C, A, B6 dhe E, kalium, mangan, bakër, hekur dhe disa flavonoide, që sigurojnë veti të fuqishme antioksiduese


Speci i kuq djegës është një nga erëzat më popullore jo vetëm në gatim, por edhe kundër sëmundjeve, ndaj botërisht njihet si “ari i kuq i shëndetit”.

Përdoret në formë të plotë ose si pluhur në kuzhina tradicionale të vendeve të ndryshme.

Kapsaicin, përbërësi aktiv është ai që sjell djegien në gojë.

Në fakt, shumë nga përfitimet shëndetësore të piperit të kuq i atribuohen gjithashtu kapsaicinës.

Gjithashtu përmban vitamina C, A, B6 dhe E, kalium, mangan, bakër, hekur dhe disa flavonoide, të cilat sigurojnë veti të fuqishme antioksiduese.

Capsaicin është aprovuar nga Administrata Amerikane e Ushqimit dhe e Barnave për përdorim dhe mund të gjendet në kremra dhe vajra.

Konsumimi i rregullt në sasi shumë të vogla të piperit të kuq është gjithashtu i dobishëm për shëndetin tuaj në shumë mënyra.

Këtu janë 10 përfitimet më të mira shëndetësore të specit të kuq djegës:

1. QETËSON DHIMBJEN E KYÇEVE DHE TË MUSKUJVE

Kapsaicin, përbërësi aktiv në piperin e kuq, shfaq një efekt anti-inflamator që ndihmon në zvogëlimin e dhimbjes dhe inflamacionit.

Gjithashtu parandalon aktivizimin e transmetuesve të dhimbjes në tru, gjë që redukton ndjenjën e dhimbjes.

Qoftë në nyje ose në muskuj, piper i kuq është shumë efektiv.

Kremrat ose vajrat që përmbajnë ndërmjet 0.025 dhe 0.075 për qind kapsaicinë rekomandohen nga ekspertë të shëndetit për të lehtësuar dhimbjen nga osteoartrit, dhimbje të kyçeve për shkak të artritit, dhimbje nervore nga herpes, dhimbje pas operacionit, dhimbje në këmbë nga neuropatia diabetike dhe madje edhe dhimbje në shpinë.

– Për të përdorur piperin e kuq në shtëpi, ju mund të bëni vaj për lehtësimin e dhimbjeve.

Përzieni gjysmë lugë çaji piper të kuq me 2 deri 3 lugë çaji vaj ulliri të ngrohtë.

Aplikojeni atë në kyçet dhe muskujt që dhembin.

Lëreni atë për 10-20 minuta maksimumi, pastaj shpërlajeni vajin. Përsëriteni një herë në ditë derisa dhimbja të zhduket.

Shënim: Asnjëherë mos përdorni piper të kuq në lëkurë të gërvishtur ose të irrituar.

2. PARANDALON MPIKSJEN E GJAKUT

Përbërësi kapsaicin në specin e kuq punon si një antioksidant i fuqishëm dhe ndihmon zgjerimin e enëve të gjakut për të siguruar qarkullimin e duhur të gjakut në të gjithë trupin dhe organet.

Kjo madje inkurajon aktivitetin fibrinolitik dhe parandalon faktorët që çojnë në formimin e mpiksjes së gjakut.

Me qarkullimin e duhur të gjakut, rreziku i mpiksjes së gjakut dhe i disa problemeve të zemrës do të zvogëlohet.

Kapsaicina gjithashtu ndihmon në zvogëlimin e triglicerideve dhe lipoproteinave me densitet të ulët (ose kolesteroli i keq), dy nga faktorët kryesorë të rrezikut për sëmundjet e zemrës.

Kjo madje ndihmon në uljen e presionit të gjakut dhe heqjen e bllokimeve në arterie dhe vena.

– Përzieni gjysmë lugë çaji të pluhur piperi të kuq, në 1 filxhan me ujë të ngrohtë.

Shtoni 2 lugë uthull molle të papërpunuar dhe 1 lugë gjelle mjaltë organik, dhe përziejeni tërësisht.

Pijeni këtë përzierje dy herë në ditë.

3. NDIHMON NË HUMBJEN E PESHËS

Ky përbërës djegës ndihmon në zvogëlimin e oreksit.

Kjo do të thotë konsum më i vogël i kalorive gjatë gjithë ditës, gjë që ndihmon në arritjen e objektivit tuaj të humbjes së peshës.

Plus, duke qenë një përkrahës i metabolizmit, piperi i kuq e ndihmon trupit të djegë dhjamin e tepërt më shpejt.

Gjithashtu ndihmon në tretjen dhe thithjen e ushqyesve, të cilat janë esenciale për mbajtjen e peshës së shëndetshme të trupit.

– Shtoni gjysmë lugë çaji piper të kuq në lëngun tuaj të mëngjesit ose në një përzierje tjetër për të shtypur oreksin dhe për të djegur kalori.

4. MBËSHTET DETOKSIFIKIMIN

Përveç humbjes së peshës, piper i kuq gjithashtu mbështet detoksifikimin, i cili nga ana e tij mbron trupin tuaj nga sëmundjet duke mbajtur shëndetin optimal.

Detoksifikimi ndihmon mëlçinë dhe fshikëzën e tëmthit për të hequr qafe toksinat e dëmshme në trup.

Ndërsa spec ii kuq është një nxitës i qarkullimit, ngre temperaturën e trupit dhe nxit metabolizmin tuaj për të përmirësuar procesin e detoksifikimit natyror.

Plus, aktivizon gjëndrat e djersës, një faktor tjetër i rëndësishëm në detoksifikim.

– Përzieni lëngun e 1 limoni, gjysmë lugë çaji pluhur piper të kuq dhe mjaltë të papërpunuar në një gotë me ujë të ngrohtë.

Pijeni atë me stomak bosh çdo ditë për një periudhë prej 1 javë.

Përsëriteni përsëri pas një muaji.

5. SHËRON DHIMBJEN E FYTIT

Spec i kuq është gjithashtu efektiv kur vuan nga një dhimbje fyti.

Kapsaicina punon si një dekongestant natyror për të siguruar lehtësimin nga inflamacion dhe madje edhe kontrollon prodhimin e mukusit në kanalet e hundës.

Plus, ajo ndihmon në eliminimin e infeksionit që shkaktohet nga mikrobet.

– Përzieni gjysmë lugë çaji të pluhurit të piperit të kuq në një gotë me ujë të nxehtë. Përdorni këtë eliksir djegës për të bërë gargarë, 3-4 herë në ditë, derisa dhimbja e fytit të largohet.

– Përndryshe, shtoni gjysmë lugë çaji të piperit të kuq në 1 lugë gjelle mjaltë dhe hajeni disa herë në ditë.

Shënim: Kjo mënyrë nuk rekomandohet për fëmijët e vegjël.

6. PARANDALON KANCERIN

Speci i kuq mund të ndihmojë në parandalimin e kancerit të mushkërive, mëlçisë, prostatës, gjirit dhe lëkurës.

Kjo përsëri lidhet me mirësinë e kapsaicinës, e cila bën që qelizat e kancerit të shkatërrojnë veten në një proces të quajtur apoptozë.

– Thjesht përfshini pak spec të kuq në çfarëdo trajte në dietën tuaj të përditshme për të zvogëluar rrezikun e kancerit.

7. HEQ DHIMBJEN KOKËS

Nëse jeni duke vuajtur nga një tension, migrenë ose kokëdhimbje, ju mund ta zvogëloni dhimbjen me spec të kuq.

Kapsaicina ofron aftësi dhimbje-lehtësuese dhe fuqi shëruese.

Është shumë efektive për dhimbjen e migrenës.

Kapsaicina zvogëlon faktorin e grumbullimit të trombociteve, i cili shpesh është përgjegjës për fillimin e dhimbjeve të kokës së migrenës duke penguar qarkullimin e gjakut në kokën tuaj.

– Ju mund të merrni lehtësim nga një dhimbje koke me vajra të bazuara në kapsaicin.

8. LUFTON FTOHJEN NË MUSHKËRI

Speci i kuq gjithashtu punon si një agjent anti-ftohje dhe anti-grip dhe siguron lehtësim të shpejtë nga simptomat e zakonshme të ftohjes dhe gripit, veçanërisht kongjestionit.

Efekti djegës i specit të kuq ndihmon në nxitjen e sekrecioneve, të cilat në anën tjetër lehtësojnë bllokimin e hundës dhe sinuset e bllokuara.

Kjo madje shkakton teshtitjen për të ndihmuar në heqjen e mukusit dhe alergeneve në sinuset tuaja.

– Përzieni ¼ lugë çaji pluhur të piperit të kuq, ¼ lugë çaji pluhur xhenxhefili, 1 lugë gjelle mjaltë dhe 1 lugë gjelle uthull molle të papërpunuar.

Shtoni gjysmë filxhani me ujë të ngrohtë në përzierje dhe pijeni dy herë në ditë.

– Kur vuani nga një e ftohtë, ju gjithashtu mund të hidhni piper të kuq në supë ose sallatë ose ta shtoni në çaj xhenxhefili për të ndihmuar në lehtësimin e simptomave.

9. PËRMIRËSON SIMPTOMAT E PSORIAZ/ EKZEM

Zbatimi topik i kapsaicinës është efektiv në trajtimin e psoriazës, ose ekzemes.

Vetitë e saj anti-oxidante dhe anti-inflamatore dukshëm përmirësojnë kruajtjen dhe simptoma të tjera.

Plus, duke qenë një agjent antimikrobik, ndihmon në parandalimin e infeksionit.

– Aplikoni krem ose locion me bazën e kapsaicinës në zonën e prekur disa herë në ditë.

Zakonisht nevojitet 3 deri në 7 ditë para se të filloni të shihni përmirësimin në gjendjen tuaj të lëkurës.

Shënim: Mos e përdorni në zonat e ndjeshme pranë syve dhe mukozave dhe gjithmonë lani duart tërësisht pas përdorimit të kapsaicinës.

10. PËRMIRËSON SHËNDETIN ORAL

Speci i kuq është një agjent i shkëlqyer për të mbështetur shëndetin oral dhe parandalimin e sëmundjeve të gojës si gingivitis, deri në periodontitis.

Qofshin mishra të fryrë, dhimbje dhëmbi, era e keqe, gjakderdhje në mishra ose gojë e thatë, speci i kuq mund të ndihmojë në trajtimin e këtyre problemeve me gojë.

Ajo ka veti dhimbje-lehtësuese dhe anti-inflamatore që mund të ndihmojnë në zvogëlimin e dhembjes dhe ënjtjes së mishit të dhëmbëve.

Ndërsa stimulon prodhimin e pështymës, mund të trajtojë edhe gojën e thatë dhe erën e keqe.

– Vendosni 2 ose 3 pika të tinkturës së specit të kuq në një furçë dhëmbësh të butë.

Përdoreni atë për të pastruar mishrat e dhëmbëve për disa minuta.

Shpëlajeni gojën me ujë të bollshëm.

Përdoreni këtë mënyrë 2 ose 3 herë në javë për të parandaluar problemet në gojë.

Paralajmërimet dhe masat e sigurisë

Kurrë mos e përdorni krem kapsaicin në plagë të hapura ose në lëkurë tëgërvishtur.

Shmangni kontaktin me sytë, hundën dhe gojën.

Mos përdorni kremra kapsaicin për fëmijët nën moshën 2 vjeç.

Pas aplikimit të një kremi kapsaicin, sigurohuni që të lani duart.

Mos përdorni një jastëk ngrohjeje ose të bëni një dush të nxehtë para ose pas përdorimit të një krem kapsaicin.

Gjithmonë konsultohuni me një mjek para se të përdorni një shtesë që përmban kapsaicin.

Nëse gëlltitja e specit të kuq djegës të shkakton acarim në stomak ose urth, konsultohuni me mjekun tuaj.

Mbani specat e kuq në frigorifer në një qese plastike dhe ruajeni pluhurin e thatë në një enë hermetike në një vend të freskët.

Nëse pas konsumimit të specit djegës keni një ndjesi djegieje në gojë, hani kos të ftohtë për lehtësim të shpejtë.

Ju pëlqen!

Ku është feja, atje është shpata…

Mehdi FRASHËRI (1872–1963):

KU ËSHTË SHPATA ATJE ËSHTË FEJA

“Në ditët e Skënderbeut pushtimi turk-osmanllinj u kundërshtua rreptësisht prej shqiptarve, saqë këto luftra formojnë me të vërtetë epopenë e kombit, epope të cilën i pavdekuri Naim Frashëri e ka kënduar në vjersha të paimitueshme në veprën e famshme të tij “Skënderbeu”. Kjo vepër, kur u paraqit për herën e parë në kongresin e orientalistëve, albanologu i famshëm Emil Benloew në ligjeratën e vet shqiptoi këto fjalë: Më në fund edhe shqiptarët kanë Iliadën e tyre.

Këto luftra të rrepta të Kastriotit kundër osmanllinjve bëheshin në emrin e krishtërimit, ishin një mbrojtje madhështore edhe heroike e qytetërimit evropian, kundër barbarizmës aziatike, prandaj fytyra e Skënderbeut ka një ngjyrë të përbotshme, sepse u zgjatën 25 vjet pareshtur. Në këto luftëra heroike për shqiptarët, kombi i ynë, nga vrasjet, djegjet, rrënimet, edhe mërgimet në vendet e huaja humbi 1/3 e popullsisë edhe më në fund u bind se Perëndia e pushtonjësit ishte më e fortë edhe sipas një fjale së vjetër shqiptare “Ku është shpata atje është feja”, morën besën e tij.”/MekuliPress.com/

Ju pëlqen!

Nga Don Lush Gjergji, – Pse shkatërrohet sot kaq shumë kurora dhe familja?

Nga Don Lush Gjergji

Të gjithë sot shohim, dëgjojmë, kemi njohuri, fatkeqësisht edhe përvoja të hidhëta të ndarjeve, largimeve dhe shkatërrimit të kurorës, me këtë edhe të familjes. Të gjithë shtrojmë pyetje, përse, si, deri kur do të jetë kështu, si dhe çështje tjera: a ka më kuptim martesa, familja, apo ndoshta duhet ta “gjejmë” ndonjë formë tjetër, si p. sh. bashkëjetesën, si alternativë të kurorës dhe familjes, apo edhe zgjidhje më rrënjësore, që mos të martohemi fare.

Për ata që ende besojnë në kuptimin e jetës, në dashuri, prandaj, në kurorë dhe në familje, pyetja është pak ndryshe: cilat janë shkaqet e ndarjeve, prishjeve të kurorës sot?

Nga studimet e shumta psikologjike, sociologjike, pedagogjike, psikiatrike, mund të themi kështu:

Shkaku i parë është mospërgatitja dhe mosaftësia për një jetë të re dhe ndryshe në kurorë, që kryesisht shpjegohet në dy mënyra:

  • karakteri tepër i fortë i çiftit martesor, që mbështet në egoizëm dhe egocentrizëm të tepruar: unë, unë dhe vetëm unë…;
  • mentaliteti hedonist, trupor dhe epshor i njeriut, që udhëhiqet vetëm në pasione apo impulse seksuale; objektivizmi apo vegëlsimi i palës tjetër, si një lloj “lodre”, “malli”, gjësendi;
  • mosaftësia për flijim, vuajtje, pritje dhe dëshira për zgjidhje të shpejta, pa kurrfarë këshillimi dhe udhëzimi.
  • Shqetësime apo tensione për gjendjen e re në martesë, që nuk i përgjigjet kërkesave, dëshirave, ëndrrave, synimeve, idealeve që i kemi krijuar, si dhe mungesa e lirisë dhe pavarësisë;
  • Stresi, si shqetësim në vazhdimësi, mungesë e kohës, bisedimit, dialogut, komunikimit, që njeriun e ngulfatë, ia merr kohën, ngadalë edhe zemrën dhe jetën.
  • Mungesa e komunikimit intim, trup, psike dhe shpirt, lodhja e tepërt në punë dhe në jetë, monotonia apo mërzia në jetën e përditshme, pa ndonjë risi, freski, befasi. Dashura është gjithmonë aktive dhe kreative, dhe nëse të mungon aktiviteti dhe kreativiteti, dije që së shpejti do ta hetosh që të mungon dashuria.
  • Mungesa e sinqeritetit, lidhja mendje, gojë, zemër, trekëndëshi për komunikim të mirëfilltë.
  • Dallimi i personalitetit dhe interesat e ndryshme, pa ndonjë gatishmëri për ballafaqim, ndryshim, begatim të ndërsjellët. Dikush martohet për t’i ikur vetmisë; dikush për të pasur fëmijë, për të plotësuar zbrazëtitë e jetës së mëparshme, për siguri në sëmundje dhe në pleqëri…

Dhjetë mënyrë për ta shëruar dhe ruajtur kurorën e martesës sot:

Komunikimi i plotë (trup, psike dhe shpirt), i qartë, sinqertë dhe vazhdueshëm mes çiftit martesor, me gatishmëri për bisedim, dialog dhe komunikim pa përjashtime dhe paragjykime apo hapja dhe përdorimi i të gjitha kanaleve të komunikimit.

Lidhja e vazhdueshme fizike, trupore,martesore, si shprehje e nderimit, falënderimit, miqësisë, dashurisë, si kërkim në dy, jo më në një – unë. Martesa ka një logjikë të thjeshtë dhe jetësore: uni drejtohet kah ti, dhe bashku krijojmë diçka krejt të re, shumë të bukur – ne. Prandaj unë – ti – ne, është formula magjike e jetës në bashkëshortësi.

Kalimi i kohës së bashku, kurdo dhe kudo të jetë e mundshme, për një relaksim sa më të mirë, si shëtitja, udhëtimi, loja, pushimi, argëtimi. Koha e përbashkët na mundëson dhe lehtëson edhe jetën e përbashkët, për t’u njohur, pranuar dhe dashur me mirë dhe më shumë ashtu si jemi, pa idealizime dhe nënçmime.

Marrëdhënie në dashuri, reciprocitet, që domethënë gjithnjë japim dhe gjithnjë marrim dashuri, si burim i pashtershëm për jetën martesore. Nëse kufizohesh vetëm në marrje, atëherë në një mënyrë je “hajn”,  sepse nuk jep asgjë dhe pretendon gjithçka; askush nuk mundet gjithnjë vetëm të jep,  as vetëm të marrë, por na nevojitet reciprociteti.

Kërkimi i faljes dhe faljapa të cilat nuk ka fare jetë, edhe më pak jetë në bashkëshortësi dhe në familje. Kush nuk di apo nuk do të kërkon falje dhe të falin, nuk di as të jetojë, edhe më pak të jetojë në dashuri. Kjo është e pamundshme pa jetën e përbashkët shpirtërore, sepse gjithnjë jemi mëkatarë, pra, nevojtarë të faljes, dhe vetëm me fuqinë, jetën me Zotin kemi fuqi edhe të kërkojmë falje edhe të falim gjithmonë.

Marrëdhënia personi me person, para se të jetë ajo burri me grua, si njësi duke përkujtuar dhe përforcuar gjithnjë e më shumë arsyet e jetës së përbashkët. Në jetën e dashurisë, asgjë nuk ruhet në mënyrë pasive, me bllokim apo pasivizëm, por duhet gjithnjë te kemi motive të reja për të qenë së bashku, si fëmijët, edukimi i tyre, e tashmja dhe e ardhmja më e lumtur.

Kujdesi për vetveten në çdo kuptim, fizik, në pamje, veshmbathje, paraqitje, mënyrën e të folurit… psikik, në karakterin e qetë dhe të gëzueshëm, në vëmendje dhe kujdes për gjëra të reja dhe të bukura në bashkësi,  dhe shpirtëror, në përparimin e vlerave dhe virtyteve të krishtera, fesë, shpresës dhe dashurisë, për të qenë njëri për tjetrin gjithnjë risi dhe befasi e këndshme.

Vlerësimi i problemit ose problemeve me kohë dhe bashkarisht, që prej të voglës mos të vijë deri te e madhja. Si ushtrim mund të jetë edhe ky: “Ndalu para pasqyrës dhe shikoje vetveten. Nëse dukesh i lodhur dhe i mërzitur, ndoshta problem je ti”. Mos të ketë në bashkëshortësi “fshehtësi”, gjëra që “mbuloni”, fshihni, sepse ato një ditë mund të dalin në shesh dhe të shkaktojnë ndarjen e kurorës. Të keni gjithnjë e më shumë iniciativa dhe plane të përbashkëta, që u ndihmojnë që të jeni së bashku.

Fol për vetveten, e jo për të tjerët, me paragjykime dhe përgojime, që shkaktojnë  vetëm dëme dhe mëkate, duke dashur që tjetri të jetë gjithnjë bashkëbisedues dhe bashkëjetues. Trupi ndryshon me kohë dhe me moshë, por njeriu është një jetë në vazhdimësi. Atëherë fol, trego, komuniko si je, si ndihesh, çka të pëlqen, çka të pengon, çka të frikëson…

Fol për jetën dhe planin e përbashkët, për të kaluarën e bukur, të tashmen që e keni krijuar, dhe për të ardhmen që e pritni./MekuliPress.com/

Ju pëlqen!

Nuk i frikësohet shiut ai që ka kaluar nëpër fortuna!

Vështirësitë janë situata në jetë që na bëjnë të rritemi më shpejt, që na ftojnë të shohim gjërat në një mënyrë tjetër, e cila na detyron të dalim nga vetja.

Na lejojnë ta njohim atë pjesë tonën që është fshehur, edhe pse mu para syve tanë. Kur ne përballemi me probleme që na e lëkundin botën, kjo bën të na dridhet vetë jeta jonë.

Këtu fillojmë të reagojmë me një rezervë energjie dhe force, që kurrë nuk e kishim menduar se e kishim, të vetëdijshëm se ajo që mbartim brenda na ka ndihmuar të rritemi dhe na ka dhënë guxim.

Eshtë shumë e rëndësishme që të marrim gjithçka që mund të na ushqejë nga një përvojë negative.

Ne do të jemi gjithnjë e më shumë në gjendje të vlerësojmë gjërat pozitive të jetës dhe gjithashtu do të mësojmë të qeshim përballë vështirësive të tjera. Ai shi që në një moment na shkaktoi frikë, gjë që na shtrëngoi të merrnim disa masa kufizuese.

Pas stuhive zakonisht kemi nevojë për një rimëkëmbje, pranish të papritura, njerëzish që hyjnë në jetën tonë dhe mbi të gjitha, çdo rreze drite do të vlerësohet dhe shfrytëzohet deri në maksimum.

Nëse keni ndërmend të lejoni përvojat e së kaluarës që të shënojnë apo përcaktojnë atë që ju jeni, të paktën kushtojini vëmendje atyre që do të zgjidhni.

Zgjidhni ato që do t’ju lejojnë të jeni të përulur, edhe pse keni njohur pjesën më të fortë tuajën. Zgjidhni ato që ju ndihmojnë të rriteni.

Qeshni nën shi dhe nëse stuhitë vazhdojnë të përkeqësohen, ruani paqen e qetësinë e brendshme dhe të jeni të sigurtë se do të dilni fitimtarë dhe të më të fortë.

Ju pëlqen!

Frymëzim i pafat, – Migjeni

Frymzim’ i em i pafat,
që vjen e më djeg mu në gji,
për kë po më flet? Për kë të shkruej?
përse po më ban që kaq të vuej?
pse vjen e më djeg mu në gji,
frymzim’ i em i pafat?

Për të gjorët? Për ata që nuk kanë dritë?
O frymzim’ i em i ngratë,
mjaft me plagë që s’kan shërim,
leni të dergjen në mjerim,
Njerzit s’duen ma trishtim,
botës s’ia kande atë kangë të thatë,
thot se mjell një farë të idhtë.

Far’ e idhtë… far’ e idhë…
– O njerz të bimë nga far’ e ambël!
Frigë të mos keni, pse një kangë
mund t’ju theri në ndjesi,
t’ju kujtojnë zemrën në gji
në ndërgjegje dhe një dangë…
por ju t’ju bajë edhe ma zi.

Frymzim’ i em i pafat!
Shporru ktej! Nuk të due!
S’i due hovet tueja të nalta,
as fluturimet… Nëpër balta…
të ditve tona të shklas un due
rrokë me njerzit që rrok nata.

– Migjeni

Ju pëlqen!

– Fyodor Dostoevsky, “Krim dhe Ndëshkim”

“Çfarë mendoni?” – bërtit Razumihini, më shumë se çdo herë tjerër, “ ju mendoni se ata jam duke i sulmuar sepse flasin gjepura? Jo aspak! Mua më pëlqen që ata flasin gjepura. Ky është privilegji i njeriut mbi krijesat e tjera.

Ju vini tek e vërteta përmes gabimeve. Unë jam njeri sepse unë gaboj! Kurrë nuk mund të arrini tek ndonjë e vërtetë pa i bërë katërmbëdhjete gabime, e me shumë gjasë edhe njëqind e katërmbëdhjetë. Dhe një gjë të mirë, gjithashtu, në mënyrën e vetë; por ne nuk mund të bëjmë madje asnjë gabim në llogarinë tonë! Fol gjepura, por foli gjepurat e tua dhe unë do të të puthë për këtë. Të bësh gabime në mënyrën tënde është shumë më e mirë se sa të jesh i përkryer në mënyrën e dikujt tjetër.

Së pari, ju jeni njeri, së dyti ju nuk jeni më i mirë se sa një zog! E vërteta nuk do të ju shpëtojë, por jeta mund të jetë e ngushtë. Ka pasur shembuj të tillë. Dhe çfarë jemi duke bërë ne tani? Në shkencë, zhvillim, mendim, zbulim, ideale, synime, liberalizim, gjykim, përvojë dhe në çdo gjë, çdo gjë, çdo gjë ne jemi në foshnjore.

Ne preferojmë të jetojmë në idetë e dikujt tjetër, kjo është ajo që jemi mësuar! A kam të drejtë? A kam të drejtë?”, qante Razumihini duke u’a shtypuar dhe tundur duart e dy zonjave.

– Fyodor Dostoevsky“Krim dhe Ndëshkim”/MekuliPress.com/

Ju pëlqen!

Letër e hapur nga Grupi i heronjëve të Kumanovës: “Do ta ndjekim Gruevskin, Mijallkovin dhe Ali Ahmetin deri në fund të botës! Ne nuk kemi ardhur as për para, e as për përfitime por për të realizuar qëllimin kombëtar dhe për shkak të mosrealizimit të Marrëveshjes së Ohrit.”

Grupi i Kumanovës, përmes familjarëve të tyre ka dërguar një reagim publik.

Në këtë reagim edhe një herë është bë kronologji e ngjarjeve të Kumanovës, kurse sqarohet edhe rasti i djeshëm, kur janë sulmuar Mile Janakievski dhe Spiro Ristevski.

Poashtu u dërgohet mesazh i ashpër Nikolla Gruevskit, Sasho Mijallkovit, Ali Ahmetit, Gordana Jankullovskës “se do t’i ndjekim deri në fund të botës me Kanun të Lekë Dukagjinit”.

Në reagim thuhet se veç Ahmetit në këtë “listë” janë edhe tre përfaqësues tjerë të BDI-së, si dhe 9 persona nga radhët e VMRO-DPMNE-së.

“Vetëm nëse mbledhin udhëheqësit e 12 fiseve dhe vijnë këtu duke rënë në gjunj na betohen që nuk na kanë tradhtuar, mund tua falim”, thuhet mes tjerash në reagim. Në vazhdim Gazeta Lajm sjell reagimin e plotë të Grupit të Kumanovës: 

Në emër të Grupit të Kumanovës

Fillimisht, duam të sqarojmë edhe një herë qëllimin e ardhjes sonë, sepse na kanë akuzuar me lloj-lloj akuza të rrejshme. Ne nuk kemi ardhur as për para, e as për përfitime. Kemi ardhur për të realizuar qëllimin kombëtar dhe për shkak të mosrealizimit të Marrëveshjes së Ohrit. Erdhëm dhe ramë në grackat e tradhtisë së njerëzve të ligë.

U bënë si u bënë luftimet. Na u premtua se do të na pranojë OSBE-ja dhe u dorëzuam. Përndryshe nuk do të ishim dorëzuar kurrë. Ndoshta të gjithëve do të na vrisnin, por nuk do të dorëzoheshim.

Mirëpo ndodhi tradhtia. Na maltretuan, na i vranë katër shokë pas dorëzimit dhe askush nuk dha përgjegjësi për këto punë. Në luftime kanë qenë të vrarë gjashtë pjesëtarë të Grupit, katër tjerë janë vrarë pasi jemi dorëzuar. Këtë nuk ua falim kurrë. Po të na vrisnin në luftime, askujt asgjë, sepse ne kemi pasur armatim, ata kanë pasur armatim. Mirëpo ekzekutimin në tradhti nuk u falim. Nuk ua falim as maltretimin që na e kanë bë që nga arrestimi e deri sa na dënuan.

Ato të këqija që na i kanë bë, ne nuk i harrojmë. Nëse shteti nuk i zbardh këto krime, na kanë borxh me Kanun të Lekë Dukagjinit. Sepse na kanë rrahur dhe maltretuar edhe pse jemi dorëzuar në besë.
Këta kanë menduar se rrinë njëmijë vjet në pushtet, por askush nuk ka mbetur 1.000 vjet në pushtet.

Gruevski, Mijallkovi e Ali Ahmeti mund të shkojnë deri në fund të botës, por ne nuk ua falim. E dimë që jemi në burg dhe mund të na vrasin të gjithëve. Por nëse nuk i gjejmë ne, do t’i gjejnë shokët dhe familjarët tanë. 

Vetëm nëse mbledhin udhëheqësit e 12 fiseve dhe vijnë këtu duke rënë në gjunjë na betohen që nuk na kanë tradhtuar, mund tua falim. Kemi listën me emrat e 13 personave. Ali Ahmeti është me 3 persona tjerë nga BDI-ja në këtë listë. E din ai se kush janë ata persona. Të tjerët janë të VMRO-së.
Nëse dëshirojnë drejtësi duhet të qartësohet puna jonë. Asnjë polic nuk është marrë në përgjegjësi edhe pse na kanë vra e na kanë maltretuar.

Sa ka të bëjë me Mile Janakievskin dhe Spiro Ristovskin, Grupi i Kumanovës mbështet Lirim Krasniqin dhe Esat Kafegjollin. Kësaj here i kemi rrahur sepse na kanë provokuar. Herën tjetër kur të na bien në dorë, do t’i rrahim pa na provokuar. Ata kanë qenë në pushtet kur ne jemi vrarë e maltretuar. Nuk ua harrojmë./MekuliPress.com/

Ju pëlqen!

Lajmet e fundit