Përhapja e pandemisë së Covid-19 në Europë është shumë shqetësuese, ndonëse nuk është e ngjashme me atë të mars-prillit, ka theksuar sot Organizata Botërore e Shëndetësisë.

“Numri i rasteve ditore është rritur, shtrimet në spital gjithashtu. Covid-19 është shkaku i pestë i vdekjeve dhe pragu prej 1 000 të vdekur në ditë është arritur”, konfirmoi drejtori i degës europiane të OBSH-së, Hans Kluge. Kluge nënvizoi se duhet këmbëngulur në rëndësinë e masave të reja që do të merren në mbarë Europën për të ndaluar transmetimin e virusit.

Zona e OBSH-së në Europë, e cila përfshin 53 vende, përfshirë Rusinë, ka më shumë se 7,25 milionë raste zyrtare dhe gati 250 000 vdekje të lidhura me virusin, sipas të dhënave të organizatës.

©MekuliPress/ Ndaje artikullin me familjen dhe miqtë tuaj. MekuliPress mbetet e pandikuar nga partitë politike. FOTO: No copyright infringement is intended.