MekuliPress ju sjell kritikën e patriotit, humanistit, shkrimtarit dhe kritikut tonë të madh Andon Zako Çajupit. Je përse për MekuliPress ky shkrim kritik është aktual edhe sot për ministrat, diplomatët e pushtetarët shqiptarë.

“Për njëmënd, ndë Shqipëri gjenden plot ministra, qeveritarë, deputenj, diptlomatë të fortë. Mbijnë sikurse kërpudhat nga dheu…
Në këta 3 a 4 vjet të fundit Shqipëria ka mundur me pas më tepër se 300 a 400 ministra, diplomatë, deputenj të çkëlqyerë! Si shpjegohet kjo pasuri në pikëpamje të politikës?

Unë, që jam krejt budallë në këtë pikëpamje, them se, për shumicën e shqipëtarëve politika është një punë fort e letë dhe u vërtetoj se, për me fitu bukën në këtë botë të rreme, zanati m’i lehti është të bënesh ministrë. S’ke nevojë të dish asnje punë, asnjë mjeshtëri me themel.

Ju pëlqen!

Ministri i bujqësisë bie fjala, takon të mos çquajë qepët nga prasët; ministri i luftës takon të mos ketë marrë një pushkë në dorë; ministri i financës takon të mos ketë fituar asnjë grosh, veç me të grabitur; ministri i arsimit takon mos dijë as shqip, veç të mundij të shkruaj një ë me dy pika në krye; ministri i punëvet përjashtëme takon të jetë prift a hoxhë…, dhe puna të vejë mbarë gjithmonë.

Një herë në një kohë, populli lypte nga qeveritarët të jenë sidomos atdhetarë të vërtetë. Jo, sot s’është nevojë.”

©MekuliPress/ Ndaje artikullin me familjen dhe miqtë tuaj. MekuliPress mbetet e pandikuar nga partitë politike. FOTO: No copyright infringement is intended.