Mëngjesin e 2 gushtit 1947 ngrihej nga Buenos Airesi avioni katërmotorësh Lancastrian Star Dust, një avion civil i kompanisë British South American Airëays që mbulonte rrugën Londra-Santiago de Chile. Në bord kishte pesë pjesëtarë ekuipazhi dhe gjashtë pasagjerë. Fluturimi vazhdonte rregullisht, dhe pas më shumë se tre orësh, një mesazh me kodin mors në aeroportin e Santiagos lajmëroi që pas pak minutash do të ulej aty. Por avioni nuk mbërriti kurrë në destinacion. Kërkimet që u kryen në 20 ditët që pasuan ishin të kotë: u zhduk. Ekuipazhi përbëhej nga veteranë të Luftës së Dytë Botërore, me mijëra orë fluturim, dhe mjeti ishte në gjendje të përsosur. Pra, cfarë kishte ndodhur?

Prani të cuditshme

Enigma e parë me të cilën u përballën hetuesit ishte fjala me të cilën mbyllej mesazhi i fundit nga avioni, “stendec” e përsëritur tre herë. Ndoshta një anagramë e descent “zbritje”? Misteri u ushqye më shumë edhe prej lajmit të pranisë në bord të Paul Simpsonit, funksionar anglez në shërbim të Madhërisë së Saj. U tha se transportonte një valixhe me dhjetëra shufra floriri dhe dokumenta shumë të fshehtë. U hodh madje edhe hipoteza që mjeti ndoshta ishte rrëmbyer prej jashtëtokësorëve.

Ju pëlqen!

Pas disa vitesh heshtje, në janar 1999 mbetjet e një avioni u gjetën në malin argjentinas Tupungato, 80 km në lindje të Santiagos. Kushtet e motit penguan kërkimet e para. Por në 19 janar 2000 një ekspeditë e re gjeti, në 5500 metra lartësi, një helikë dhe tre kufoma me uniforma. Ishte pikërisht avioni i zhdukur në 1947. Shkaku i mundshëm: një stuhi e papritur dhe e dhunshme resh. Dhe valixhja plot me flori? Nuk u gjet kurrë.

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot të paktën edhe me 1 Euro!