Parlamenti i Kosovës me 106 vota pro dhe një abstenim, katër vjet më parë miratoi tri ligjet që e ndryshojnë mandatin e Forcës së Sigurisë së Kosovës (FSK) në ushtri të Kosovës, por pa iu ndërruar emri.

Udhëheqësit e institucioneve të Kosovës, votimin dhe miratimin e ligjeve për ushtrinë e cilësuan si “një ditë historike dhe një nga vendimet më të rëndësishme që nga shpallja e pavarësisë së Kosovës në vitin 2008”.

Sot, në këtë përvjetorë, ka shprehur urimin e tij edhe Ministri i Mbrojtjes, Armend Mehaj i cili shprehet se ky përvjetor na gjenë me suksese të mëdha.

Ju pëlqen!

Ai tutje thotë se Ushtria u ndërtua, zhvillua dhe avancua mbi gjakun, djersën e mundin e heronjve, dëshmorëve e martirëve të kombit ndër breza.

Ky është postimi i plotë i ministrit Mehaj:

Përvjetori i katërt i Forcës sonë me mandatin e Ushtrisë së Republikës së Kosovës na gjenë me suksese të mëdha.

Përkundër sfidave të ndryshme, rrugëtimi ynë me vizion të qartë është i pandalshëm drejtë synimit tonë.

Ushtri me ushtarakë me moral të lartë, të arsimuar, stërvitur, të pajisur dhe të gatshëm për realizimin e misionit të shenjtë në mbrojtje të Atdheut dhe qytetarëve tanë.

Ushtri e ndërtuar, zhvilluar dhe avancuar mbi gjakun, djersën e mundin e heronjve , dëshmorëve e martirëve të kombit ndër breza.

Urime qytetarë të dashur!

Urime ushtarakë, ju gardianë të Lirisë e Republikës sonë!

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot, të paktën edhe me 1 Euro!