Ministri i Punëve të Jashtme, Glauk Konjufca, dhe Qeveria në detyrë pritet ta rishikojnë arsyeshmërinë e funksionimit të konsullatave të paprecedenta.

E tillë është vlerësuar të jetë edhe Konsullata e Përgjithshme në Tiranë, e cila madje funksionon brenda Ambasadës së Kosovës, në kundërshtim me Konventat ndërkombëtare, shkruan KOHA.

Konsull i Përgjithshëm me çelës politik ishte emëruar Halim Krasniqi, që është vëllai i sekretarit të Qeverisë, Fitim Krasniqi. Sipas një liste që posedon gazeta, Krasniqit i skadon mandati më 25 prill të këtij viti.

Ju pëlqen!

Në MPJ nuk kanë treguar si do të veprohet me këtë konsullatë dhe nëse ka arsyeshmëri financiare që të vazhdojë funksionimi i saj. Megjithëkëtë e kanë përmendur mundësinë që ministri në detyrë dhe Qeveria ta rishikojnë racionalitetin e vendimit për hapjen e kësaj konsullate, që ishte bërë me dekret të presidentit Thaçi.

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot të paktën edhe me 1 Euro!