Është normale që fëmijët të përdorin fjalë turpe herë pas here. Fëmijët e vegjël shpesh përsërisin diçka që kanë dëgjuar. Fëmijët pak më të mëdhenj shpesh duan t’u masin pulsin e reagimit prindërve të tyre.

Nëse fëmija juaj ka filluar të përdorë disa fjalë të caktuara, ka disa opsione të disiplinës që mund ta frenojnë gjuhën e tij.

Si ta ndëshkoni në mënyrë të përshtatshme fëmijën tuaj pasi përdor fjalë turpe

Provoni këto teknika nëse fëmija juaj ka filluar ta zgjërojë fjalorin e fjalëve të pista.

Mendoni për vlerat tuaja familjare

Ndoshta ju pëlqen!
Loading...

Vlerat e familjes suaj do të luajnë një rol të madh për të përcaktuar se si t’u përgjigjen fjalëve të pista. Për disa familje, fjalët e pista nuk janë ndonjë gjë e madhe dhe prindërit e pranojnë se fëmijët kanë të ngjarë të përdorin sharjet.

Për familjet që veçanërisht ofendohen nga fjalori i rëndë, është kritike që menjëherë ta adresoni problemin.

Por gjithsesi, bisedoni me fëmijën tuaj se si njerëzit e ndryshëm kanë vlera të ndryshme. Pra, ndërsa ata mund të thonë fjalë turpe, mund të jenë fyese për njerëzit e tjerë. Ose, në qoftë se në familjen tuaj nuk përdoren fjalë fyese, është e sigurt që fëmija juaj po i importon ato nga jashtë.

Shqyrtoni Arsyet

Kur të vendosni se si t’i adresoheni përdorimin të fjalëve turpe, hulumtoni arsyet e mundshme themelore për zgjedhjen e fjalëve të fëmijës suaj. Si edhe momenti kur përdoret fjala e pistë është e rëndësishme.

Një 5 vjeçar duke përsëritur një fjalë që dëgjoi në autobus, është shumë ndryshe nga një 15-vjeçar që e shfryn dufin me fjalë të pista kundrejt mësuesit të tij.

Ndonjëherë fëmijët fyejnë për shkak të mungesës së disa prej aftësive të rëndësishme të jetës, si aftësitë e komunikimit dhe aftësitë sociale. Nëse është kështu, është e rëndësishme t’ia mësoni fëmijës tuaj ato aftësi menjëherë. Përndryshe, pasojat mund të jenë të përjetshme.

Të rriturit që nuk kanë aftësi sociale ose aftësi të kontrollit të impulsit mund të pushohen nga puna për përdorimin e gjuhës së papërshtatshme. Përndryshe, ata mund të përjetojnë probleme në marrëdhënie nëse ata fyejnë të tjerët me fjalorin e tyre të rëndë.

Nëse mendoni se sharja është një simptomë e një problemi më të madh, siç është mungesa e aftësive të menaxhimit të zemërimit, mësojani ato aftësi si pjesë e strategjisë suaj të disiplinës.

Bëhuni model i mirë

Nëse ju shani tepër, fëmija juaj ndoshta do të bëhet sharës gjithashtu. Duke i thënë fëmijës suaj, “Këto janë fjalë të rriturish, ti nuk duhet t’i thuash!” nuk do t’i ndaloni ato. Fëmijët duan të jenë si të rriturit dhe do t’ju kopjojnë.

Nëse keni qenë pak të pakujdesshëm me gjuhën tuaj dhe fëmija juaj është bërë sharës, vija e parë e mbrojtjes duhet të jetë të ndryshoni gjuhën tuaj. Nëse dini se si të trajtoni zemërimin tuaj dhe të shpreheni zemëratin apo ta shfryni dufin pa përdor fjalor të rëndë, edhe fëmija juaj do të mësojë se si ta bëjë këtë.

Gjithashtu, kërkoni të zbuloni mjedise të tjera ndaj të cilave fëmija juaj mund të ekspozohet ndaj gjuhës së papërshtatshme. Nëse lejoni që fëmija juaj të shikojë filma ose të luajë lojëra video që përfshijnë gjuhën e urrejtjes, ai ka të ngjarë ta flasë edhe vetë atë.

Nëse fëmija juaj po kërkon vëmendje injorojeni

Fëmijët shpesh do të përsërisin sjelljen që fiton shumë vëmendje. (Subkonshoja imiton modelin dominant). Nëse qeshni ose i jepni rëndësi një fjale turpe, është e garantuar që fëmija juaj do ta thotë përsëri.

Injorimi mund të jetë një mënyrë e mirë e mbrojtjes, veçanërisht për fëmijët e vegjël. Nëse fjala e pistë përsëritet, pavarësisht nga injorimi, shpjegoni se nuk është një fjalë e mirë dhe nuk duhet të përdoret më.

Vendosja e rregullave për fjalorin

Nëse gjuha bëhet problem, mund të jetë e nevojshme të krijohet një rregull i familjes për ta adresuar atë. Një rregull që thotë, “Përdor gjuhën e përshtatshme”, mund të ndihmojë.

Fëmijët mund të kenë nevojë për një paralajmërim dhe përkujtesa për atë që përbën “të përshtatshme”. Prindërit e tjerë mund të duan një rregull që thotë, “Sharja mund të bëhet vetëm në heshtje në dhomën tuaj të gjumit, në mënyrë që askush tjetër të mos ju dëgjojë”.

Tregoni për pasojat

Nëse keni krijuar një rregull për fjalët e pista dhe vazhdon të ndodhë, pasojat negative mund të jenë të pashmangshme. Nëse fëmija juaj betohet kur është i zemëruar, pak pushim mund të jetë një mënyrë e mirë për t’i mësuar se si të qetësohet para se të thotë diçka që e fut atë në telashe.

Një “kavanoz i sharjeve” është një mjet tjetër disiplinash. Kjo kërkon që secili në shtëpi të vendosë një sasi të caktuar parash në një kavanoz pas çdo fjale të gabuar. Kjo funksionon vetëm nëse keni fëmijë që kanë para duke ndikuar edhe që të mësohen për të dhënë diçka.

Mendoni me kujdes se çfarë të bëni me paratë. Mos përdorni paratë e mbledhura nga sharjet për të financuar pushimet tuaja familjare. Nëse fëmijët tuaj e dinë se paratë po shkojnë për argëtimi, ata do të kenë më shumë gjasa të shajnë që të mund të kontribuojnë për kauzën.

Edhe pse dhurimi i parave për bamirësi mund të duket si një ide e mirë në fillim, mund të dërgojë mesazhin e gabuar tek fëmijët. “Ne i ndihmojmë të tjerët duke sharë njëri tjetrin”, mund të mos jetë ajo që ju doni që fëmijët të mësojnë nga kjo. Pra, ju mund të dëshironi t’i përdorni fondet për diçka si faturat e shtëpisë.

Ofroni shpërblime për gjuhën e duhur

Një opsion tjetër i disiplinës është t’i ofroni fëmijës suaj shpërblime për përdorimin e gjuhës së duhur. Një fëmijë që hyn në telashe në shkollë ose që ka prirjet të këpuse sharje njerëzve kur ai është i zemëruar, mund të përfitojë nga një sistem formal shpërblimi që e shpërblen për përdorimin e gjuhës së duhur.

Një sistem i mirë do të ishte që fëmijës t’i bëhet e ditur dhe të vlerësohet sa herë ai përdor një fjalë të re të mirë në fjalorin e përditshmërisë së tij, duke incentivuar kështu zgjërimin e fjalorit të fëmijës.

Qëllimi juaj afatgjatë duhet të jetë t’i mësoni fëmijës tuaj se gjuha e tij/saj prek të tjerët. Dhe nëse ai i thotë fjalë turpe dikujt ose në kohën e gabuar, ai mund të përballet me pasoja të rënda.

Ndoshta ju pëlqen!/MekuliPress/ Nëse keni shijuar këtë artikull, ndajeni atë me familjen dhe miqtë tuaj! MekuliPress mbetet e pandikuar nga partitë politike. Na ndihmoni!
Loading...