Ministri i Mbrojtjes së Serbisë, Aleksnadar Vulin dhe një delegacion shëndetësor ushtarak, janë ndaluar të hyjnë në Kosovë, theksuan nga kabineti i ministrit Vulin për TV Prva.

Sipas “B92”, përcjell Telegrafi nga kabineti i ministrit Vulin u tha se ministri dhe delegacioni nuk u lejuan të vizitonin Qendrën Klinike Spitalore në Mitrovicë.

Ditë më parë, siç shkruan “B92” mediat raportuan se Prishtina mori vendim për t’i ndaluar të gjithë zyrtarëve serbë hyrjen në Kosovë. Megjithatë, kryeministrja serbe, Ana Brnabiç  pas kësaj diskutoi me kryeministrin e Kosovës, Ramush Haradinaj i cili i tha asaj se kjo nuk ishte e vërtetë.

Prishtina edhe një herë ka shkelur Marrëveshjen e Brukselit, ku përveç ministrit Vulin, këtë herë në listën e ndalesës janë dhe mjekët, shkruan “B92”.

Ministria e Mbrojtjes ka deklaruar se vizita e planifikuar kishte karakter humanitar dhe se përfaqësuesit e ministrisë dhe Akademisë Mjekësore Ushtarake (VMA) me udhëheqësit e Qendrës Spitalore në Mitrovicë kanë për qëllim që të diskutojnë përmirësimin e bashkëpunimit dhe për të ndihmuar më tej qendrën mjekësore.

Delegacioni ishte i përbërë nga ministri Vulin, Ugljesha Joviçiq, Miroslav Vukosavljeviq dhe Nenad Ratkoviq nga VMA.

Mirëpo ditë më parë kabineti i kryeministrit Ramush Haradinaj ka demantuar zyrtarët në Serbi se Kosova ka lëshuar dokument që ndalon hyrjen e të gjithë zyrtarëve nga institucionet serbe.

/MekuliPress/ Nëse e keni shijuar këtë artikull, ndajeni atë me familjen dhe miqtë tuaj! MekuliPress mbetet e pandikuar nga partitë politike.
Loading...
[wpedon id=16879]