Mediat greke raportojnë se Franca ka nisur dislokimin ushtarak në Mesdheun Lindor, të cilin e interpretojnë si përgjigje ndaj sjelljes dhe kërcënimeve të Turqisë.

Sipas këtyre raportimeve, aeroplanmbajtësja Charles De Gaulle pritet të niset këto ditë nga porti i Tulonit e shoqëruar nga një numër i panjohur anijesh ushtarake dhe nëndetësesh të flotës franceze. Ajo do të jetë në detyrë luftarake dhe e armatosur në kapacitet të plotë.

Lëvizjet në këtë drejtim pasojnë deklaratat e presidentit të Francës, Emmanuel Macron sipas të cilit “Turqia kupton vetëm veprimet”.

Ju pëlqen!

Së fundmi Franca ka marrë qëndrim të fortë dhe aktiv kundër Turqisë, e cila po kërkon të mbrojë ato që i quan të drejta të vetat në Egje dhe më gjerë. Macron ka marrë formalisht edhe miratimin e kancelares gjermane, Angela Merkel e cila deklaroi se “BE ka detyrim ta mbështesë Greqinë”.

Mirëpo këtu shihet se nga BE-ja po aktivizohet në terren vetëm Franca, e cila në fakt as nuk po pretendon të flasë në emër të unionit.

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot, të paktën edhe me 1 Euro!