Shtetësia shqiptare u është dhënë vitet e fundit shumë shqiptarëve të Kosovës. Për këta të fundit, pasaporta shqiptare ka qenë mënyra e vetme për të udhëtuar pa viza drejt vendeve të BE si dhe në vendet që nuk e njohin pavarësinë e Kosovës.
Shumë prej pasaportave në fjalë u janë dhënë mbajtësve në cilësinë e personave me interes të veçantë. Në këtë kategori janë futur artistë, sportistë, aktivistë të OJQ-ve dhe personalitete me kontribut në Shqipëri.
Një pjesë tjetër e kanë paraqitur vetë kërkesën për pajisje me pasaportë shqiptare. Mes tyre është edhe Sadri Ramabaja, drejtues i Institutit Shqiptar për Gjepolitikë.
Ai nuk mundi ta ketë një pasaportë shqiptare sepse në këmbim të saj iu kërkuan para, fakt që e ka bërë publik sot në një intervistë për MCN Tv.
E tmershme!
