Këto lajmet për keqpërdorime e vjedhje të ndihmave kanë për synim shuarjen e ndjenjës solidare e komunitare tek njerëzit, dhe kanalizimin e ndihmës tek industria e bamirësve milionerë dhe te kanalet shtetërore. Prandaj po “shqetësohen shumë” bamirësit VIP-a, prandaj po shprehen vrazhdë pushtetarët që kanë dobësuar shtetin.

Shteti do duhet të ofronte koordinim e organizim, por për faqe të zezë, ende nuk dihet sa të pagjetur janë, sa të lënduar e ku ndodhen, sa të pastrehë e ku, sa prej tyre fëmijë, sa pleq, sa gra e sa burra. Ky shtet i cili u tha njerëzve të rikthehen në banesat e krisura pas tërmetit të shtatorit, pa bërë vlerësimin e duhur, mban përgjegjësi direkte.

Ky shtet i mbushur me çunakë e çupërlina, me servilë të pajisur me cv të zbukuruar, diplomë nga jashtë vendit, buzëqeshje fotozhenike e që dinë t’i thonë veç po shefit, nuk di të punojë e të organizojë. E ka dobësuar ushtrinë, nuk i ka marrë parasysh inxhinierët, e ka degjeneruar shëndetësinë, policinë, zjarrfikësit.

Ju pëlqen!

Por edhe VIP-at, që merakosen për vjedhjen e ndonjë batanijeje. Historikisht në katastrofa të mëdha ka edhe vjedhje të vogla, kontrabandistë të varfër e kështu me radhë. Ta shfrytëzosh këtë për t’i kanalizuar ndihmat te llogaria jote, kjo është poshtërsi. E kush e bën këtë poshtërsi? Ata të industrisë së spektaklit dhe bamirësisë për spektakël, milionerë që përdorin evente për të shpëlarë para, njerëz të pasuruar pa kurrfarë kontributi shoqëror…

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot të paktën edhe me 1 Euro!