Qeveria e Kosovës është duke zhvilluar mbledhjen e radhës. Kjo mbledhje ka filluar me deklarimin e kryeministrit Albin Kurti.

Kurti u deklarua në lidhje me zhvillimet e ditës së hënë në takimin e tij me presidentin serb, Aleksandar Vuçiq, me ndërmjetësim të Bashkimit Evropian.

Kurti ndër të tjerash foli edhe për largimin e zyrtarëve serbë nga institucionet e Kosovës.

Ju pëlqen!

I pari i Qeverisë së Kosovës deklaroi se dorëheqjet dhe kthimet e zyrtarëve serbë në institucionet e Kosovës nuk mund të jenë çështje pazaresh.

“Nuk mund të jenë dorëheqjet e kthimet e zyrtarëve nëpër institucione çështje të pazareve, sepse të gjitha janë të rregulluara me ligj”, theksoi Kurti.

Ai përmendi edhe zëvendësimin e deputetëve serbë të enjten e kaluar në Kuvendin e Kosovës.

Kurti tha se ata u kthyen dhe bënë betimin në kuadër të Parlamentit.

“Ju e patë se deputetët e Listës Serbe dhe të tjerë u kthyen dhe e bënë betimin. Kjo është mënyra se si kthehesh në institucione, duke bërë betimin, duke respektuar kushtetutshmërinë, rregullat e procedurat”, shtoi ai.

Kurti tha po ashtu se Kosova nuk është shtet diktatorial.

“Pra, nuk jemi një shtet diktatorial që vendos se kush kur shkon dhe kush kur kthehet”, përfundoi ai.

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot të paktën me 1 Euro!