Masakra e fshatit Pastasellë të Rahovecit është një nga më të tmerrshmet që kanë kryer forcat kriminale serbe gjatë luftës së fundit në Kosovë në vitin 1999.

Në këtë masakër janë vrarë dhe masakruar 106 persona nga ky fshat dhe fshatrat përreth, derisa kanë mbijetuar 13 persona.

Edhe sot e kësaj dite ka familjarë që kërkojnë t’i kthehen trupat e më të dashurve të tyre, të cilët edhe pas më shumë se dy dekada figurojnë të pagjetur.

Për vrasjen dhe masakrimin e 106 martirëve, deri më tani nuk është dënuar asnjë serb që ka marrë pjesë në masakrën e fshatit Pastasellë.