Infektologu Valbon Krasniqi thotë se arma më e mirë në luftën kundër koronavirusit është parandalimi.  Tutje, ai shpjegon se në Kosovë po përdorën rekomandimet e OBSH’së.

Krasniqi u ka bërë thirrje qytetarëve për kujdes duke shpjeguar se për viruse nuk ka ilaçe specifike.

“Arma më e fuqishme vazhdon të mbetet parandalimi i infeksionit”, thotë ai.

Ndoshta ju pëlqen!
Loading...

“Ende në botë nuk ka asnjë barë të dëshmuar që lufton qind për qind koronavirusin sepse barna të tilla s’ka as ndaj virusëve të tjerë”, shpjegon doktori.

Krasniqi tha se aktualisht në Klinikën Infektive në QKUK po trajtohen 23 persona të infektuar dhe të tjerë që po presin për rezultate.

“3 pacientë janë në gjendje më të rëndë. S’kemi pacientë që janë futur në respiratorë”, theksoi ai.

Krasniqi edhe një herë ka kërkuar që qytetarët tu përmbahen rekomandimeve të mjekëve pasi sipas tij në javët në vazhdim numri i të infektuarve mund të rritet.

“Jemi në fazën kur mund të rritet numri i pacientëve, të moshuarit të mbahen më të veçuar, të vendosin maska kur kanë kontakte me personat e tjerë të familjes”, tha ai.

Ndoshta ju pëlqen!/MekuliPress/ Nëse keni shijuar këtë artikull, ndajeni atë me familjen dhe miqtë tuaj! MekuliPress mbetet e pandikuar nga partitë politike. Na ndihmoni!