Administratori i parë ndërkombëtar i Kosovës, Bernard Kouchner e kishte vizituar Kosovën, menjëherë pas luftës ku kishte shkuar edhe në odën e Familjes Jashari.
Atje ai ishte ulur këmbëkryq derisa po zhvillonte një bisedë më Rifat Jasharin, e burrat e tjerë në odë. Ai kishte thënë se e vlerëson lart kontributin dhe sakrificën e familjes Jashari ndërkohë kishte shtuar se nëse do të kishte Çmim ‘Nobel’ për sakrificë për liri, ai do t’i takonte Adem Jasharit dhe familjes së tij.
“Bota filloi lëvizjet pikërisht prej Prekazit. U bëmë të vetëdijshëm për një realitet të sakrificave dhe luftimeve që u bënë dhe sikur të ketë Çmim Nobel të Lirisë, ai i takon familjes tuaj”, kishte thënë Kouchner në Prekaz.
