Jojannes Boie, kryeredaktori i BILD

Luftë! Pushtim! Është një situatë historike në historinë e fundit të Evropës. Rusia futet me armë në një vend tjetër me forcën e armëve, për ta okupuar atë. Pavarësisht gënjeshtrave: Putini nuk u provokua! Sulmi i tij nuk është mbrojtje!

Për vite me radhë, Rusia ka sulmuar vendet në perëndim. Me sulme hakerash. Me gënjeshtra dhe propagandë, p.sh. në kanalin subversiv Russia Today. Në kopshtin zoologjik të vogël në Berlin ai kishte qëlluar një person. Grupi i i tij “Group Wagner” vrau gjithandej nëpër botë. Tani shumë ukrainas ndoshta do të vdesin. Putinit nuk i intereson njerëzit e tij. Ky konflikt do të zhysë në varfëri miliona rusë.

Putin dëshiron të zgjerojë sferën e tij të ndikimit drejt Evropës. Me forcën e armëve, me luftë! Kjo e bën edhe jetën tonë në Gjermani më të pasigurt. Në botën e re të Putinit, ne nuk mund të mbështetemi më në sigurinë e kufijve, në mbretërimin e paqes.

Për Gjermaninë, kjo do të thotë: Së pari, nevojitet një “Ostpolitikë” (Politikë e lindjes) e re. Putini tani është armiku ynë! SPD duhet ta kufizojë dashurinë e saj për Rusinë tek populli rus, i cili nuk dëshiron luftë. Por, menjëherë jepni fund dashurisë për Putinin. Të ashtuquajturit “ish-kancelar” Schröder, bashkëpunëtor i Putinit, duhet t’i ndërpritet menjëherë të gjitha paratë dhe mbështetja.

Së dyti: një politikë krejtësisht e re e mbrojtjes. Armët, teknologjia, ushtarët! Askujt nuk i pëlqen ta thotë. Por pa një ushtri funksionale, Gjermania nuk mund të kundërshtojë agresorët si Putin dhe, në të ardhmen, ndoshta presidentin Xi (Kinë). Ministri i mbrojtjes është i zbehtë, madje nuk arrin t’i dorëzojë shpejt Ukrainës 5000 helmeta qesharake. Gjermania duhet të investojë masivisht në ushtrinë e saj – dhe më në fund t’i paguajë NATO-s më shumë para.

Këto tema nuk janë të këndshme. Por janë të nevojshme. Putin tashmë është duke qëlluar me armë./BILD/ Përkthyer nga MekuliPress/