Këshilli për Mbrojtjen e të Drejtave dhe të Lirive të Njeriut (KMDLNJ) ka reaguar duke thënë se presidentja Vjosa Osmani ka bërë shkelje ligjore, sepse “Nëse e shihni tekstin e titullit që i ndahet znj. Dua Lipës, e shihni se në anën e djathtë të këtij titulli është një simbol që njihet si Vula e Presidentit Rugova e që identifikohet me një subjekt politik e që është LDK-ja e konsideron si të vetin. Është e vërtetë e madhe se ky simbol – Vula e Presidentit, nuk është simbol i autorizuar ligjërisht, andaj konsiderohet si simbol privat ose personal” duke shtuar se ajo ka përdorur Zyrën për promovime personale dhe familjare.

Sipas KMLDNJ-së, ajo e ka shndërruar takimin me Dua Lipën në ngjarje private e personale, për faktin se ishin të pranishëm bashkëshorti dhe vajzat e saj.

“Nëse e shihni tekstin e titullit që i ndahet znj. Dua Lipës, e shihni se në anën e djathtë të këtij titulli është një simbol që njihet si Vula e Presidentit Rugova e që identifikohet me një subjekt politik e që është LDK-ja e konsideron si të vetin. Është e vërtetë e madhe se ky simbol – Vula e Presidentit, nuk është simbol i autorizuar ligjërisht, andaj konsiderohet si simbol privat ose personal. Sipas njohësve të Kushtetutës së Kosovës dhe ligjeve në fuqi, simbolet e një partie politike (në rastin konkret simbolet e LDK-së) nuk guxojnë të përdoren në dekretet dhe në asnjë dokument të presidentit të Republikës, sepse prish parametrat e neneve 80 – 81 të Kushtetutës që kërkojnë nga ajo/ai të kenë një qëndrim neutral në çështjet politike dhe të përfaqësojë unitetin e popullit e jo të një partie politike”, thuhet ndër të tjera.

Ju pëlqen!

Për përdorimin e kësaj vule, KMDLNJ-ja ka kërkuar që ky rast të dërgohet në Gjykatën Kushtetuese, sepse sipas tyre paraqet shkelje flagrante të Kushtetutës së Kosovës.

Mekuli Press është në prag të mbylljes. Kemi nevojë për mbështetjen tënde, i dashur lexues. Na ndihmo sot edhe me vetëm 1 Euro! - FOTO: No copyright infringement is intended.