Shumë pranë Tiranës ndodhet Kepi i Rodonit, vendi ku çdo vizitor gjen të ndërthurur më së miri historinë me natyrën dhe detin. Në pjesën verilindore të Kepit ndodhet një ndër objektet më të rëndësishme të trashëgimisë kulturore, Kalaja e Skënderbeut.

Instituti i Monumenteve të Kulturës ka hartuar projektin: “Ndërhyrje restauruese në Kalanë e Skënderbeut”, në Kepin e Rodonit.

Projekti i miratuar në Këshillin Kombëtar të Restaurimeve parashikon ndërhyrje konservuese dhe restauruese në elementët konstruktivë të monumentit.

Kalaja e Skënderbeut ndodhet në pjesën verilindore të Kepit të Rodonit, ose siç e quajnë vendasit, Kepi i Muzhit dhe vështron veç thellësisë së detit Adriatik, edhe gjirin e Patokut dhe të Shëngjinit.

Në pjesën verilindore të Kepit shtrihet Kalaja e Rodonit, që daton që në shekullin XIV, një fortifikim i cili përbëhej nga një mur mbrojtës me gjatësi 100 m, e që shtrihej nga një breg i Kepit në bregun tjetër. /atsh / /www.mekuliPress.com/  – Shpërndaje dhe Pëlqeje gazetën MekuliPress