Kandidati i vetëm shqiptar për president në Maqedoninë e Veriut, Blerim Reka, ka vazhduar fushatën e tij në Kërçovë.

Në fjalën e tij drejtuar të pranishmëve, Reka ka thënë se në thelbin e republikës shumë etnike duhet të qëndrojë ligji.

Ai ndër të tjera ka shtuar se në zgjedhjet e 21 prillit do të marrë fund shteti i kapur e nepotizmi, ndërkaq sipas tij do të dënohen partitë politike që për 18 vite shkelën ligjin.

“Vetëm me një republikë ku sundon ligji do të lejojmë politikanë me duart e pastra dhe assesi me duar të përlyera. Ka përfunduar koha e politikanëve të korruptuar, nepotizuar e të kapur, dhe kjo përfundon më 21 prill”, ka thënë ai. “Shoqëri për të gjithë, sepse ne si shoqëri ekzistojmë, jemi pjesë dhe kemi qenë pjesë e kësaj shoqërie mirëpo ajo që i ka munguar këtij shteti ka qenë që shqiptarë të jenë edhe pjesë e shtetit të përbashkët. Pa qenë pjesë e strukturave më të larta shtetërore ne nuk jemi të barabartë”. /MekuliPress.com/ 
Shpërndaje dhe Pëlqeje MekuliPress

VINI RE! Gazetaria jonë mbetet e pandikuar nga politikanët e nga milionerët e korruptuar. Askush nuk e kontrollon gazetën dhe kritikën tonë. Ndihmoje MekuliPress - Mbështete median e pavarur kombëtare.
Loading...
[wpedon id=16879]