Në një intervistë të realizuar me televizonin serb “Pink Tv”, gazetarja serbe ka qenë po aq protagoniste sa kryeministri shqiptar Edi Rama, pikërisht në zyrën e këtij të fundit, në godinën e qeverisë.

Ky i fundit, ka folur hapur për marrëdhënien mes Kosovës dhe Serbisë, duke predikuar dialog dhe paqe, si dhe duke kërkuar zhdukjen e vijave kufitare në rajonin e Ballkanit.

Por, një tjetër detaj që u pasqyrua në mediat serbe ishte edhe gjesti me tre gishta që gazetarja i tregon Kryeministrit të Shqipërisë.

Ju pëlqen!

Vetë gazetarja Ksenija Vuçiq thotë se nuk ishte gjest i qëllimtë, por ishte një ilustrim pas pyetjes që i kishte bërë Edi Ramës mbi simbolin e shqiponjës. Ky simbol u shndërrua në objekt debati në Beograd së fundmi, kur kushëriri i një bukëpjekësi shqiptar në Serbi postoi e postoi në rrjetet sociale dhe më pas e fshiu.

Kaq mjaftoi që para furrës së bukëpjekësit Mon Gjuraj të grumbulloheshin për disa ditë me radhë protestues ultranacionalistë serbë. Rama e solli si shembull këtë rast për të treguar se simboli i shqiponjës nuk është provokim. Gazetarja iu kthye duke pretenduar se as simboli me tre gishtërinjtë ngritur nuk është i tillë.

“Nëse unë dal nëpër Tiranë me tre gishtat lart, sa e sigurt jam?”, pyeti ajo.

Kryeministri shqiptar iu përgjigj se asgjë nuk do t’i ndodhte, por edhe nëse do të kërcënohej, shtoi me shaka, se do të dilte vetë për ta mbrojtur.

Historia e tre gishtave

Një variant i interpretimit të këtij simboli, sipas serbëve, është triniteti i shenjtë. Por një shpjegim i tillë duket paska mitologjik, pasi ky simbol ka fituar popullaritet mes serbëve vetëm gjatë luftërave në Ballkan.

Përdorimi i parë i popullarizuar i përshëndetjes me tre-gishtat (me gishta të ndara) ishte në vitin 1988, kur serbët e përdorur për të kundërshtuar shqiptarët, kroatët dhe sllovenët. Gjesti i tre gishtave është një simbol ekskluziv serb, i cili në vitet e fundit ka marrë ngjyrime të forta nacionaliste, pasi u përdor në masë nga forcat paramilitare serbe në luftë, fillimisht kundër myslimanëve.

Sot përshëndetja përdoret nga anëtarët dhe mbështetës të pothuajse të gjitha partive politike serbe në tubimet e tyre gjatë fushatave zgjedhore. Ajo mund të shihet në të gjitha llojet e demonstratave në rrugë dhe festime. Përshëndetja është përdorur shpesh nga tifozët dhe lojtarët kur festonin për fitoret e tyre.

Historiani Dragan Petroviq thekson se politikani që njihet si nacionalist Vuk Drashkoviq nuk ishte “autor” i përshëndetjes.

Vuk Drashkoviq, lideri i partisë politike Lëvizja për Ripërtëritje Serbe, është shprehur se ka qenë ai i pari që e ka sjellë këtë përshëndetje në vitin 1990 në takimin themelues të partisë, i frymëzuar nga piktura e Paja Jovanoviq.

Një teori e popullarizuar mbi origjinën e përshëndes është e bazuar dhe në mënyrën se si serbët ortodoksë kanë kryer shenjën e kryqit, me tre gishta të zgjatur që përfaqësojnë Trinitetin. Disa shpjegime e lidhin formën e gishtave dhe me numrin 6, i cili përsëritet tre herë. /MekuliPress.com/ 
Shpërndaje dhe Pëlqeje MekuliPress

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot, të paktën edhe me 1 Euro!