Që pianoja është një instrument sa kompleks, aq edhe interesant dhe të mësuarit për të luajtur në mënyrë të përkryer nuk është një gjë e lehtë, të gjithë e dimë pak a shumë. Por ajo që ndoshta nuk e kishim menduar kurrë, ishte se marrja e mësimeve në një moshë të hershme mund të sjellë përfitime edhe në një nivel njohës. Regjistrimi i fëmijës tuaj në mësimet e pianos, si dhe dhënia e aftësive muzikore, mund ta lehtësojë atë në mësimin dhe zotërimin e gjuhëve.

Studimi nga një neuroshkencëtar në Institutin McGovern të MIT, John Gabrieli, ka treguar se ekziston një lidhje shumë e ngushtë midis mësimit të gjuhës dhe familjaritetit me tastat e pianos. Në veçanti, studimi ka treguar se fëmijët e mësuar për të dalluar mes toneve të ndryshme të pianos kanë më shumë gjasa të njohin dallimet më delikate midis fjalëve të folura.

Gjuha, siç e dimë, nuk përbëhet vetëm nga fjalët: madje edhe luhatjet e zërit, mënyra se si shqiptohet një fjalë, kontribuon në dhënien e kuptimit të asaj që themi. Kjo është veçanërisht e vërtetë në disa gjuhë, siç është gjuha mandarine kineze, ku disa ndryshime në ton mund të ndryshojnë kuptimin e një fjale. Por edhe në shqip, intonacioni i zërit bën dallimin mes pyetjes dhe pohimit, ose mund të nënvizojë ironinë e një mendimi.

Ju pëlqen!

Rezultatet e eksperimentit kanë qenë shumë mbresëlënëse, dhe në shkollën ku u krye u vendos që të ofrohen leksione pianoje për të gjithë, edhe pas përfundimit të eksperimentit.

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot, të paktën edhe me 1 Euro!