Neymar ka zbuluar se Paris Saint-Germain ka pasur shumë frikë të fuste atë në lojë në javët e fundit, pavarësisht se sulmuesi dëshironte të rikthehej në fushë.

28-vjeçari nuk u zgjodh për tre ndeshjet e kaluara të Ligue 1 për PSG për shkak të dëmtimit dhe ishte në dyshim për ndeshjen e së martës në Ligën e Kampionëve në përplasjen ndaj Borussia Dortmundit në Gjermani.

Sidoqoftë, Neymari e nisi atë ndeshje dhe pavarësisht se shënoi vetë në pjesën e dytë, nuk mund ta ndihmonte skuadrën e tij të shmangte humbje 2-1 në ndeshjen e parë.

Pasi bëri përshtypje në rikthimin e tij, braziliani deklaroi se ai ishte gati të luante më herët, por PSG ka zgjedhur ta mbajnë atë mënjanë.

“Nuk ishte zgjedhja ime të mos luaj në katër ndeshjet e fundit. Doja të luaja, u ndjeva mirë”.

“Klubi ishte i frikësuar dhe unë jam ai që vuajta nga ai vendim”, ka thënë Neymar pas ndeshjes.

Ka qenë një sezon i ndërprerë nga dëmtimet deri më tani për Neymar me një dëmtim në tetor që gjithashtu e ka parë atë të humb gjashtë ndeshje.