Vijon të mahnisë Zlatan Ibrahimovic përtej oqeanit. Gjiganti suedez ka kaluar skuadrën e tij të Los Angeles Galaxy në avantazh 0-1, gjatë transfertës ndaj Huston Dynamo, me një gol fantastik, kur kishin kaluar vetëm 9’ minuta nga fillimi i ndeshjes.
I është shërbyer një top dhe në hyrje të zonës, ndonëse në pozicion diagonal dhe i mbuluar nga kundërshtarët, Ibra ka tentuar me një gjuajtje befasuese, me topin që është ndalur në rrjetë.
Jo vetëm gol fantastik, por edhe shifra të jashtëzakonshme. Suedezi ka realizuar golin e tij të 30-të në 29 ndeshje me LA Galaxy gjatë vitit 2019. Zlatan qëndron vetëm 1 gol pas kryesuesit të klasifikimit të golashënuesve, Carlos Vela.
