Mijëra njerëz në Britani të Madhe janë shprehur të gatshëm të dhurojnë qeliza për shërimin e një djaloshi 5-vjeçar, i cili po vuan nga kanceri.

Nevoja e djaloshit Oscar Saxelby-Lee për shërim i mblodhi 4855 njerëz, të cilët pritnin në radhë dhe në mot me shi gjatë fundjavës për të bërë teste mjekësore dhe për të parë se a kanë qeliza të përshtatshme për shërimin e sëmundjes së vogëlushit.

Mjekët thonë se ky fëmijë i ka vetëm tre muaj afat për ta gjetur dhuruesin e duhur nga i cili mund të merren qelizat e gjakut për ta trajtuar sëmunden e leukemisë akute limfoblastike, nga e cila vuan djaloshi.



Ju pëlqen!

Ai i është nënshtruar trajtimit me kemoterapi që nga koha kur ishte diagnostifikuar në dhjetor të vitit të kaluar, por për ta shëruar sëmundjen nevojitet edhe një trajtim tjetër më i rëndë.

Familja e tij po lufton me kohën për ta gjetur sa më shpejt një dhurues të përshtatshëm për djalin e tyre. Ata thonë se gjasat që vogëlushi të mbijetojë do të zvogëlohen tepër në rast se nuk gjendet dhuruesi i duhur brenda tre muajve të ardhshëm.

Lexo po ashtu:  Në jetë zemra e njeriut thyhet, por edhe me zemër të thyer jetohet..

Leukemia akute limfoblastike, e cila njihet ndryshe si “kanceri i gjakut”, është sëmundje e rrallë. Vetëm 650 njerëz në vit preken nga kjo sëmundje në Britani të Madhe, ndërsa gjysma e tyre janë fëmijë.

/MekuliPress.com/

Shpërndaje dhe Pëlqeje MekuliPress

MekuliPress është në prag të mbylljes. Kemi shumë nevojë për mbështetjen tënde, i dashur lexues. NDIHMO sot median e pavarur dhe origjinalitetin e MekuliPress. Dhuro SOT, të paktën, edhe 1 Euro! Faleminderit!