Facebook do të paguajë përdoruesit, për t’i monituar mënyrën se si shfrytëzojnë telefonin e tyre, përmes një aplikacioni të ri të quajtur Study.

Aplikacioni do të monitorojë cilat programe janë të instaluara në telefonat e personave vullnetarë, koha e shpenzuar në to, vendin prej nga personi vjen dhe të dhëna shtesë në lidhje me aplikacionet.

Lansimi i ‘Study’ vjen disa muaj pasi aplikacioni i fundit i kompanisë për monitorimin e përdoruesve, ‘Facebook Research’, u mbyll për shkak të polemikave të mëdha, në depërtim më të thellë të të dhënave private.

Aplikacioni do të jetë i disponueshëm për përdoruesit që kanë 18 ose më shumë vjet, gjersa do të jetë i disponueshëm vetëm për sistemin operativ ‘Android’.

Mosha e përdoruesve do të verifikohet përmes moshës së përcaktuar në llogarinë e tyre në ‘Facebook’.

Facebook nuk ka treguar ende shumën e saktë që do paguajë përdoruesit që do ndërmarrin këtë iniciativë, por në një postim në blog thotë se “të gjithë përdoruesit do të kompensohen”. /www.mekuliPress.com/  – Shpërndaje dhe Pëlqeje gazetën MekuliPress

*** VINI RE! Gazetaria jonë mbetet e pandikuar nga politikanët e nga milionerët e korruptuar. Askush nuk e kontrollon gazetën dhe kritikën tonë. Ndihmoje MekuliPress - Mbështete median e pavarur kombëtare.
Loading...
[wpedon id=16879]