Një shpellë përrallash, e mbushur me kristale gjigante, më e madhja në Evropë, do të hapet për publikun këtë vit.

Shpella, një e çarë në shkëmb e mbushur me kristale, ndodhet 50 metra nën një minierë të braktisur argjendi, në një qytet të Andaluzisë, në Spanjë.

Ajo është zbuluar nga një shoqëri minierash nga Madridi, në 1999 dhe shpresohej se do të ndryshonte fatin e qytezës Pulpi, duke sjellë më shumë turistë dhe bashkë me ta edhe vende të reja pune.

Shpella të tilla, ose gjeoda, krijohen në miliona vite pasi një çarje brenda një shkëmbi mbushet me lëng. Zakonisht ajo duhet të mbushet e tëra me një solucion kripor, në këtë rast lëng me sulfat kalciumi, që krijon edhe kristalet.

Kjo është e vetmja gjeodë në Evropë. Një shpellë e ngjashme, madje më e madhe, ndodhet në Meksikë, por ajo është në një thellësi më të madhe se 200 metra, ç’ka e bën hapjen për publikun të vështirë. Si pasojë, kjo është gjeoda më e madhe në botë që mund të vizitohet nga njerëzit.

Ajo pritet të jetë e gatshme për tu vizituar në tetor, por ekipi që po punon për këtë shpreson që hapja të jetë akoma më e afërt. /www.mekuliPress.com/  – Shpërndaje dhe Pëlqeje gazetën MekuliPress

VINI RE! Gazetaria jonë mbetet e pandikuar nga politikanët e nga milionerët e korruptuar. Askush nuk e kontrollon gazetën dhe kritikën tonë. Ndihmoje MekuliPress - Mbështete median e pavarur kombëtare.
Loading...
[wpedon id=16879]