E mbijetuara e dhunës seksuale gjatë luftës së fundit në Kosovës, Shyhrete Tahiri – Sylejmani, ka lëshuar sallën në Konferencën Ndërkombëtare Ministrore për Parandalimin e Dhunës Seksuale në Luftë, pasi prezent ishte Ivica Daçiq. Ajo merr pjesë në këtë konferencë të organizuar në Londër, e ftuar si e mbijetuar e dhunës seksuale e luftës së fundit në Kosovë.

Tahiri – Sulimani thotë se Daçiq nuk mbajti përgjegjësi për krimet e kryera që Serbia i ka kryer në Kosovë.krimet e kryera që Serbia i ka kryer në Kosovë.

“Unë jam e ftuar si e mbijetuar e luftës nga Kosova. Kështu që dje në panel unë e pash ministrin e Punëve të Jashtme, Ivica Daçiq dhe u largova nga salla. Sepse nuk e ndjeva veten rehat dhe mirë. Kështu që ekipi është marrë me këtë çështje dhe shpresoj që të mos kemi situata të tjera”, deklaron ajo.

Ju pëlqen!

Tahiri Sulimani shpreson që të mbijetuarat mos të përballen më me përgjegjës të këtyre krimeve.

“Unë kisha propozuar që herave të tjera me qenë më vigjilent dhe të jemi më të sigurt se si ndjehen të mbijetuarat dhe prezenca e këtyre nuk është e këndshme, kështu që shpresoj që herave tjera nuk do të ketë këso incidente”, shton ajo.

Në këtë konferencë po merr pjesë edhe drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti. Ajo deklaron se Daçiq në fjalimin e tij kishte tendencë të mbante “ligjëratë para studentëve”.

“Gjatë diskutimeve në panelet e parapara gjatë ditës, prezent ishte edhe ministri i Punëve të Jashtme të Serbisë, i cili nuk tha asgjë tjetër. Dihet mirë fakti që Serbia ende as nuk ka pranuar, as ka bërë kërkim falje dhe as ka marrë ndonjë përgjegjësi në raport me krimet e luftës. Takimi i tij ishte më shumë një takim, në panelin në të cilin ai mori pjesë mbante ligjërata sikur para studentëve. Duke thënë që Serbia duhet të punojë në parandalim, t’i edukojë të rinjtë dhe të ndajë përvojat e veta. Realisht pjesë e atij forumi ishin edhe të mbijetuarit e dhunës seksuale nga ballkani, përfshirë këtu edhe Shyrete Tahiri Sulimani, por edhe nga Bosnjë-Hercegovina dhe nga Kroacia”, deklaron ajo.

Fjalimi i ministrit të Jashtëm të Serbisë, Rushiti shton se ka irrituar pothuajse të gjithë të pranishmit.

“Prezenca e tij i irritoi dhe i bëri të mbijetuarit e dhunës seksuale, por edhe ne që ishim që të mos ndjehen mirë. Për faktin se Serbia si shtet, por edhe vet ministri Daçiq është një person i cili në të kundërtën ai vazhdimisht ka qenë i involvuar në regjimin e Millosheviqit. Gjuha e komunikimit të tij, vazhdimisht ka mbjellur urrejtje dhe jo tolerancë, në të kaluarën. Pa i pranuar asnjëherë faktet dhe të vërtetën e dhimbshme të Kosovës. pikë së pari, bëri që shumë të mbijetuar të cilët kanë qenë prezent në atë sesion ta lëshojnë konferencën, pastaj reagimet e organizatave joqeveritare dhe ku pasoi edhe në mënyrë kulmore me prezencën e zëvendëskryeministres, ministres së Jashtme, Donika Gërvalla”, shton Rushiti për KosovaPress.

Gjatë ditës së djeshme, ministrja e Punëve të Jashtme të Kosovës, Donika Gërvalla ka reaguar për prezencën e Daçiq në këtë konferencë. Ajo ka deklaruar se i njëjti është një nga autorët e këtyre krimeve, si dora e djathtë e diktatorit Slobodan Millosheviq.

Konferenca Ndërkombëtare Ministrore për Parandalimin e Dhunës Seksuale në Konflikt po mbahet në Londër

MekuliPress është në prag të mbylljes. MBËSHTETE SOT GAZETARINË E PAVARUR DHE ORIGJINALITETIN E MEKULIPRESS. Kemi shumë nevojë për mbështetjen tënde, i dashur lexues. NA NDIHMO sot, të paktën edhe me 1 Euro!